FAO irasaba guverinoma kutihanganira iyangirika ry’ibiribwa

Ikigega mpuzamahanga kita ku buhinzi FAO,kiraburira ko nihatagira ingamba zifatwa kare, benshi mu batuye isi bazakomeza kwicwa n’inzara.

FAO ivuga ko imwe mu m,pamvu ikomeye ari umusaruro ukomeje gutikirira mu buryo bukoreshwa kuva mw’ihinga kugeza ibihingwa bigeze kw’isoko.

Urugero ngo nk’inyanya zijya zipfa cyane kubera uko zitwarwa kw’isoko,ibyo FAO ifata nko gupfusha ubusa bikwiye guhindurwa.

Kurwanya inzara ni imwe mu ntego z’iterambere rirambye isi yihaye(SDGS). Kimwe mu bikomeje gukoma mu nkokora iyi ntego ngo ni ugupfusha ubusa no gutakaza umusaruro w’ubuhinzi mu buryo butandukanye kuva mw’ihinga kugeza umusaruro ugeze kw’isoko.

Ikigega mpuzamahanga kita ku buhinzi FAO kivuga ko buri mwaka 1 cya 3 cy’umsaruro w’ubuhinzi kiba impfabusa .

Uyu musaruro ngo ugendera mu muhora mugari w’itunganwa ry’igihingwa kuva gihinzwe kugeza kigezekw’isoko.

FAO yifashishije urugero rwo muri Asiya y’amajyepfo bakunze guhinga inyanya ngo usanga inyanya nyinshi zitwarwa mu bikoresho bizica bigatuma zigera kw’isoko zangiritse nyirazo ntabe akibonye amaramuko.

Kutamenya kwita ku gihingwa kigisarurwa,ubwikorezi bwabyo ,uburyo bibikwa ndetse no kubitunganya byose bikorwa mu buryo gakondo ngo nibyobikururira benshi mu bahinzi igihombo umunsi ku munsi.

José Graziano da Silva umuyobozi mukuru wa FAO yemeza ko muri miliyoni 815 bashonje kw’isi abenshi bari mu bice by’icyaro kandi ari abahinzi, aborozi cyangwa abarobyi. José Graziano da Silva uyobora FAO asaba za guverinoma kugabanya uyu musaruro upfa ubusa .FAO ivga ko mu gihe hakoreshwa uburyo bugezweho mu buhinzi byagabanya inzara kw’isi , abatuye ibyaro kubaho ubuzima bwiza ,ndetse n’ubutaka bwarumbuka ,n’umutungo kamere ukarindwa.

Yifashishije urugero rw’uburasirazuba bushyira amajyepfo y’aziya batakazaga umusaruro ngana na 20 kw’ijana mu buhinzi bw’imbuto n’imboga nk’inyanya kubera uburyo babitwaragamo ,umuyobozi w’ikigega mpuzamahanga cyita ku buhinzi avuga ko nyuma yo guhindura bakoresha uburyo bugezweho bashoboye kubika 90 % by’uyu musaruro.

Icyakora FAO ntiyirengagiza ko ibi byose bisaba amikoro ahagiye ,benshi mu bahinzi badafite. Aha niho umuyobozi wayo José Graziano da Silva ahera asaba ubufatanye bwa za guverinoma ndetse n’abashoramari batandukanye gushyira imbaraga mu buhinzi.

Mu Rwanda ikibazo cy’inguzanyo mu buhinzi gikomeje kuba ingorabahizi kuko ubwishingizi mu rwego rw’ubuhinzi kuri ubu nabwo bugoranye .

Zimwe mu mpamvu zishyirwamu majwi na benshi ni ibihe by’ihinga bihindukana n’imihindakurikire y’ikirere bitera Ibiza nka elnino na lamina ndetse na bimwe mu bihingwa bikomeje kurwara indwara zitandukanye.

Yisangize Inshuti.

Ibitekerezo

Tanga Igitekerezo