U Rwanda rwatangiye kwitegura gukoresha ingufu za Nucleaire

U Rwanda rwatangiye kwitegura gukoresha ingufu za Nucleaire

U Rwanda rwatangiye kwitegura gukoresha ingufu za Nucleaire cyangwa imirasire yangiza, mu buryo buteye imbere kugira ngo zirusheho kugira uruhare mu iteremabere ry’ igihugu.

Minisitere y’ ibikorwaremezo ivuga ko iyi mirasire yakoreshwaga mu buvuzi gusa. Ariko ngo u Rwanda rurifuza kuyikoresha no zindi nzego zirimo amashanyarazi, n’ubuhinzi.

Minisitere y’ ibikorwa remezo ntigaragaza ikigero cy’ ingufu za nucleaire ziri mu Rwanda, ariko yemeza ko zihari, kandi ziranakoreshwa.

Izi ngufu kirimbuzi mu Rwanda zataziriwe Imirasire yangiza.

Minisitere y’ Ibikorwa Remezo isobanura ko u rwanda ruyikoresha mu buryo butangiza, cyane cyane mu rwego rw’ ubuvuzi, muri serivisi zo gucisha abantu mu cyuma.

Icyakora, u Rwanda ruri kwitegura no gukoresha Imirasire yangiriza mu buryo bwisumbuyeho, kuko ngo ubusanzwe budahagije. Uyu ni umunyamabanga wa leta ushinzwe ingufu muri ministere y’ ibikorwa remezo, Madame Germaine KAMAYIRESE.

Turashaka noneho ko bikoreshwa ku bundi buryo bwo ku kigero cyo hejuru. Nk’ igihe tuzaba tumaze kwitegura neza, aho twatangira gukorank’ inganda zabyara amashanyarazi tubikoresheje, cg kuvura kanseri dukoresheje iyo mirsire. Mu rwanda ntibivuga ko tudasanzwe tuvura cancer, ziravurwa dukoresheje chimitherapie, ariko hari igihe kigera bagakoresha radiotherapie. Aho bohereza iyo mirasere kwangiza za ngingo ziba zafashwe na cancer. Urumva icyo gihe bozaba biri kuri rwa rwego rwo hejuru.

Usibye mu buzima n’ amashanyarazi, Imirasire yangiriza ngo izakoreshwa no mu zindi nzego zirimo ubuhinzi n’ ibikorwa remezo, nko gucukura Petrol.

Urwego rwahawe inshingano zo kugenzura imikoreshereze y’ imirasire yangiza mu Rwanda, RURA, rusobanura ko kuyikoresha mu buryo buteye imbere kandi butangiza, bisaba kwitegura bihagije.

Major Patrick NYIRISHEMA ni umuyobozi wa RURA agira ati “Kugira ngo dushyire ibisabwa byose mu mwanya, tugomba kubaka ubushobozi, gushyiraho amategeko, amabwiriza, ndetse n’ uburyo twahuza n’ izindi nzego zitandukanye, mu bufatanye. Ari inzego z’ umutekano, izishinzwe ubuzima, izishinzwe ubuhinzi, ari n’ inzego z’ inganda, zizana ibikoresho bimwe na bimwe muri muri iyi categorie (urwego)…. Ni ukugira ngo dushobore guhuza imbaraga ku rwego rw’ igihugu no gukorana n’ inzego zitandukanye, dushyira mu mwanya ibisabwa byose, kugira ngo dushbore kurinda abanyarwanda imirasire ishobora kuba yagira ingaruka mbi. Mu gihe nanone zikoreshwa mu kuba zagira uruhare mu iterambere ry’ igihugu.”

N’ ubwo u Rwanda ruri kwitegura gukoresha ingufu za nucleaire mu buryo buhanitse, ngo si byavuba gutangira kuzikoresha.

Gusa abari mu nzego zibifite mu nshingano bari gusangizwa ubunararibonye n’ abaturuka mu bihugu byatangiye gukoresha izi ngufu, aho banahugurirwa kuzikoresha mu buryo butagira ingaruka ku binyabuzima, ku bufatanye n’ ikigo mpuzamahanga gifasha mu bijyanye n’ Imirasire yahungabanya Ubuzima bw’ Abantu (the International Atomic Energy Agency).