Rubavu : abacururiza mu isoko barinubira imvura nyinshi ngo ibabuza gucuruza

Gucururiza ahanyagirwa, kudandaza ibicuruzwa ku butaka yemwe no guhagarika ubucuruzi mu gihe imvura iguye ni bimwe mu byo bamwe mu bacuruzi bagaragaza nk’ibyagashakiwe umuti mu isoko rya kijyambere rya Gisenyi.

Gusa kuba iri soko rimaze imyaka irenga 5 ryubakwa yemwe n’imirimo yo kuryubaka igahagarara rimwe na rimwe bituma iki gisubizo cy’ibi bibazo gihora mu mvugo gusa. Bagaragaza ko aho bacururiza magingo aya hababangamiye kandi ngo habatera ibihombo bya hato na hato. basaba ko isoko rishya ryakubakwa bagacururiza ahatekanye. Kuba aba bacuruzi bagaragaza ko ubucuruzi bwabo budindizwa naho bacururiza babihurizaho n’ubuyobozi bw’akarere ka RUBAVU ngo kuko iki kibazo bukizi.

HABYARIMANA Gilbert umuyobozi w’akarere ka Rubavu avuga ko iki kibazo kigiye gukemuka

HABYARIMANA Gilbert, umuyobozi w’akarere ka RUBAVU avuga ko idindira ry’imirimo yo kubaka isoko rya kijyambere rya GISENYI ryatewe na barwiyemezamirimo bagiranye ibibazo bigatuma bamara igihe mu nkiko.
Magingo aya ngo izi manza zararangiye kandi ubuyobozi bw’akarere bufatanije na ba rwiyemezamirimo bashya ikizere kirahari cyo gusubukura imirimo.
Isoko rya Gisenyi ku maso rigaragara nk’iryazamuwe kuri niveau 4 rinasakarwa igice kimwe.

Isoko rya kijyambere rya Rubavu rimaze imyaka 5 ritaruzura

Byari biteganijwe rwiyemezamirimo wapatanye iri soko azaritangaho asaga miliyari imwe na milliyoni 300 gusa ba rwiyemezamirimo bakaba barahagaritswe mu mwaka wa 2015 ku mpamvu zuko ngo isoko ryo kuryubaka ryatanzwe mu buryo bunyuranije n’amategeko.

Yisangize Inshuti.

Ibitekerezo

Tanga Igitekerezo