CECAFA : Haruna niyonzima yagize icyo avuga ku myitwarire y’amavubi

Haruna ababajwe cyane n’uko Amavubi yitwaye muri CECAFA. Kapiteni w’ikipe y’igihugu Amavubi aganira na RadioTV10 muri 10 Sportst yavuze ko nkundi munyarwanda wese atishimiye imyitwarire y’amavubi muri CECAFA gusa ngo kuko atapfa kwivanga mu kazi k’umutoza asanga ishobora kuba yariyo gahunda y mu rwego rwo gutegura CHAN kandi yizeye ko aho ho bazitwara neza.

Uyu mugabo kuri ubu ukinira Simba Sports Club yabwiye yagize ati“ Sinakiriye neza uko Amavubi yitwaye nk’umukinnyi w’umunyarwanda ndetse n’umunyarwanda muri rusange... ariko Coach yari afite imipango ye. Gusa abanyarwanda ntitwishimiye aho twaviriyemo.”

Haruna avuga ko gahunda y’umutoza yo gutegura CHAN ariyo yajyanye muri CECAFA bityo akaba yizeye ko hari isomo bavanye muri CECAFA rizabafasha muri CHAN izabera muri Maroc.

Ati “Hari ibyo bize kandi n’umutoza yavuze ko yize ku bakinnyi be. Ku bwanjye numva bari bakwiye kwitegura neza ni ikipe nziza kandi Imana nibafasha bazitwara neza.

Haruna asanga ibyo kuvuga ko Amavubi arimo abana bidakwiye kuko ngo football idakinnya n’abana.

Ngo bagomba guharanira gutsinda kandi bakumva ko bafite intego yo kugira aho bagera muri CHAN.

Haruna na bagenzi be bakina hanze y’u Rwanda ntabwo bahamagawe mu Amavubi yagiye muri CECAFA kuko umutoza yari afite umugambi wo gutoza no kumenyereza abakina imbere mu gihugu kugira ngo bazitware neza muri CHAN.

Yisangize Inshuti.

Ibitekerezo

Tanga Igitekerezo