Rayon Sports mu gakangara ka 3 karimo Gor Mahia

1

Impuzamashyirahamwe y’umupira w’amaguru muri Africa (CAF) yamaze gutangaza uburyo amakipe ashobora gutombora mu kiciro cy’ijonjora rya nyuma ry’irushanwa rya Confederations cup Rayon Sports irimo.

Muri iki cyiciro cya nyuma k’ijonjora harimo amakipe 16 yasezerewe muri ‘CAF Champions League’ ndetse n’andi 16 yakomeje muri ‘Confederations cup’, ikipe izarokoka iki kiciro izahita ijya mu matsinda ya ‘Confederations cup’.

Uko amakipe yashyizwe mu dukangara bazatomboreramo

Agakangara A : El Hilal (Sudan), Saint George (Ethiopia), AS Vita (DR Congo), Zanaco (Zambia)

Agakangara B : USM Alger (Algeria), Supersport United (South Africa), Hilal Obied (Sudan), Enyimba (Nigeria)

Agakangara C : ASEC Mimosas (Cote d’Ivoire), Mounana (Gabon), Young Africans (Tanzania), Williamsville (Cote d’Ivoire), Aduana (Ghana), Gor Mahia (Kenya), UD Songo (Mozambique), MFM (Nigeria), Plateau (Nigeria), Rayon Sports (Rwanda), Generation Foot (Senegal), Bidvest (South Africa)

Agakangara D : CR Belouizdad (Algeria), La Mancha (Congo), CARA (Congo), El Masry (Egypt), Niefang (Equatorial Guinea), Wolaitta Dicha (Ethiopia), Fosa Junior (Madagascar), Djoliba (Mali), RS Berkane (Morocco), Raja Club Athletic (Morocco), Costa do Sol (Mozambique), Akwa (Nigeria).

CAF ikavuga ko amakipe akomeye yasezerewe muri ‘Champions League’ yashyizwe mu “Gakangara A”. Naho, amakipe akomeye muri ‘Confederations Cup’ yo yashyizwe mu “Gakangara B”.

Andi makipe 12 yasezerewe muri ‘Champions League’ arimo na Rayon Sports ari mu “Gakangara C”. Mu gihe, andi makipe 12 yakomeje muri ‘Confederations Cup’ nayo ari mu “Gakangara D”.

Tombora izatangira amakipe 4 yo mu gakangara A atombora ayo mu gakangara D. Hanyuma amakipe 4 yo mu gakangara B atombore ayo mu gakangara C (arimo na Rayon Sports).

Hanyuma nibirangira, amakipe 8 azaba yasigaye mu gakangara C (Rayon Sports irimo) azatomborana n’andi 8 nayo azaba yasigaye mu gakangara D.

Ni ukuvuga ko Rayon Sports ishobora gutomborwa na USM Alger (Algeria), Supersport United (South Africa), Hilal Obied (Sudan), Enyimba (Nigeria). Cyangwa yo igatombora CR Belouizdad (Algeria), La Mancha (Congo), CARA (Congo), El Masry (Egypt), Niefang (Equatorial Guinea), Wolaitta Dicha (Ethiopia), Fosa Junior (Madagascar), Djoliba (Mali), RS Berkane (Morocco), Raja Club Athletic (Morocco), Costa do Sol (Mozambique), Akwa (Nigeria).

Muri iki cyiciro, CAF yatangaje ko imikino ibanza izakirwa na n’amakipe yaturutse muri “Champions League” arimo na Rayon Sports, hanyuma imikino yo kwishyura ikazakirwa n’ikipe zakomeje muri ‘Confederations Cup’.

Yisangize Inshuti.

Ibitekerezo 1

  1. Mwaramitse neza, ndabona bikaze pe ! Yihangane itombore Ethiopia, Madagascar na Sudan aho twakina naho abarabu na Nigeria twaba twatashye

Tanga Igitekerezo