Mu ntara y’Uburasirazuba abayobozi b’utugali bahagaritswe ku mirimo yabo

Guverineri w’Intara y’Uburasirazuba bwana Mufurukye Fred aratangaza ko atazihanganira umuyobozi udakora neza inshingano ze, akavuga ko mu gihe atabikoze neza agomba gusezererwa ku buyobozi.

Ni nyuma yaho afashe icyemezo cyo gusezerera ku mirimo ndetse no gusaba gukurikiranwa n’ubugenzacyaha bamwe mu bayobozi b’utugari two mu Karere ka Gatsibo bagaragayeho kunyereza umutungo w’abaturage ndetse n’indi myitwarire mibi.

Ni myitwari irimo gukoresha amafaranga ya Mutuel de Sante mu nyungu zabo bwite, kutaboneka ku kazi, ubusinzi n’indi myitwarire mibi.

Ni kubwibyo basabwe gusobanura impamvu y’aya makosa imbere ya guverineri n’abandi bayobozi muri aka karere.

Nyuma yo kudtanga ibisobanura byumvikana, uyu Guverineri yasabye inzego z’umutekano ndetse n’ubugenzacyaha gukurikirana aba bayobozi kugira ngo babazwe aya makosa ndetse anasaba guhita bakurwa mu myanya y’Ubuyobozi mu nzego z’ibanze, maze ako kanya bihita byubahirizwa.

Imvugo ya Bwana Mufurukye Fred, Guverneri w’Intara y’Uburasizua igaragaza ko atazihanganira na gato umuyobozi udohoka ku nshingano ze muri iyi ntara ayoboyoye maze akarya utw’abaturage.

Abayobozi basezerewe ndetse bakanakurikiranwa n’urwego rw’ubugenzacyaha RIB barimo abayobozi b’Utugari bane ndetse n’aba SEDO babiri bo mu Tugali twa Simbwa na Kabeza two mu Murenge wa Kabarore, Nyamatete muri Rwimbogo, Remera mu Murenge wa Rugarama, Nyabicwamba na Nyagahanga two mu Murenge Gatsibo.

Inzego z’ibanze mu Rwanda zakunze kunengwa cyane kudakemura neza ibibazo by’abaturage,hakiyongera ko no mu gihe cyo kumurika ibyagezwe hari aho aba bayobozi babeshya imibare ibyitwa gutekinika.

Ni ingingo igarukwaho n’abaturage bashimangira ko mu gihe hari bamwe mu bayobozi bagaragaweho kudakora neza na kunyereza umutungo w’abaturage bagomba kubiryozwa nta kuzuyaza ngo kuko ari byo bizatuma bagera ku iterambere rirambye.

Yisangize Inshuti.

Ibitekerezo

Tanga Igitekerezo