Rubavu : Bamwe mu bakorera mu isoko rya Mbugangali barasaba ko iri soko ritakwimurwa

Bamwe mu bakorera mu isoko rya Mbugangali mu Karere ka Rubavu barasaba ko iri soko ritakwimurwa bagakomeza kurihahiramo.

Ibi babishingira ku kuba ubuyobozi bw’Akarere buherutse kubibamenyesha ariko ku bwabo bakavuga ko batiyumvisha uko barikurwamo bararihawe n’umukuru w’igihugu.

Kuba isoko rya Mbugangali bamwe mu barikoreramo bavuga ko barihawe n’umukuru w’igihugu no kuba aribo ubwabo bagize uruhare mu kurihanga ni bimwe mu byo bashingiraho bavuga ko batari bakwiye kuryimurwamo.

Ikindi kandi aba bashingiraho ngo ni ukuba aho riri ryorohereza urujya n’uruza rw’abahaha bavuye mu gihugu cya kongo Kinshasa bigatuma uricururizamo adahomba.

Habyarimana Gilbert uyobora Akarere ka Rubavu ntiyemera ko isoko rizimurwa ahubwo ngo abakorera hanze yaryo bakorera mucyo yita akajagari ,bityo ngo bakwiye kwaguka bakajya ahandi mu buryo bwo kwagura umujyi.

Ati “Isoko rya Mbugangali ntirizimurwa ahubwo ni ukugira ngo rihumeke, ni ukugira ngo abakorera hanze bave mu muhanda bajye mu isoko kuko hari irindi soko rikora.”

Winjiye muri iri soko rya Mbugangali mu gice cyo hanze y’isoko ryubakiye niho usanga hari urunyurane rwinshi rw’abacuruza n’abagura ibiribwa byiganjemo imboga gusa. Ubuyobozi buvuga ko ahantu ho kugurira ikilo kimwe hatagereranywa n’ahagurirwa toni 10.

Isoko rya Mbugangali rifatanye n’agakiriro ka Rubavu ngo rimaze imyaka igera kuri itanu barihawe n’umukuru w’igihugu, icyakora bamwe mu bakorera hanze yaryo kubwabo bavuga ko aho kwimurwa ubuyobozi bwabasaba icyo bakora ku myubakire y’isoko ariko ntibimurwe.

Yisangize Inshuti.

Ibitekerezo

Tanga Igitekerezo