Geneve : Abatavuga rumwe na leta ya Kongo Kinshasa barahura mu gikorwa cyo gutora uzabahagararira mu matora y’umukuru w’igihugu

Abatavuga rumwe na leta muri Kongo Kinshasa, kuri uyu wa kane barahurira i Geneve mu Busuwisi, mu gikorwa cyo gutora uzabahagararira mu matora y’umukuru w’igihugu, ateganijwe mu mpera z’uyu mwaka taliki ya 23 Ukuboza.

Felix Tshisekedi Uyobora abatavuga rumwe na leta, niwe uhabwa amahirwe yo guhagararira abatavuga rumwe na leta, nyuma y’aho uwahoze yungirije umukuru w’igihugu Jean Pierre Bemba, ndetse n’uwahoze ayobora intara ya Katanga, Umuherwe Moise KATUMBI Chapwe bakuriwe ku rutonde rw’abemerewe guhatana muri aya matora.

Hagati aho Radio mpuzamahanga y’Abafaransa-RFI, yatangaje ko aba batavuga rumwe na leta ikiri iya Kabila, basaba ko umukandida Emmanuel Ramazani Shadary yakurwa ku rutonde rw’abahatana, bakaba bamushinja ibyaha birimo gukoresha nabi umutungo wa leta.

Ibikorwa byo kwiyamamaza muri aya matora, bizatangira taliki ya 22 z’uku kwezi kwa 11, bimare iminsi 30.

Yisangize Inshuti.

Ibitekerezo

Tanga Igitekerezo