ARPL 2018/2019 : Umunsi wa Gatanu usize iki ?

Imikino y’icyiciro cya mbere mu Rwanda 2018/2019 yaraye isoje umunsi wayo wa Gatanu, ikipe ya APR FC iyoboye urutonde n’amanota 15 nyuma yo gutsinda imikino yose ibitego 2-0, naho ikipe ya Gicumbi iherekeje urutonde n’inota rimwe gusa.

Imikino y’umunsi wa Gatanu yatangiye kuwa Kabiri tariki ya 06 Ugushyingo 2018 hakinwa imikino Ibiri, uw’ikipe ya Etincelle FC yatsinzwemo ibitego 2-0 n’ikipe ya APR FC n’undi wahuje ikipe ya Mukura Victory Sport na AS Kigali binganya 0-0.

Kuwa Gatatu tariki ya 07 Ugushyingo imikino yarakomeje, ikipe y’Amagaju ikina na Gicumbi iyitsinda ibitego 3-2 iyisanze i Gicumbi. Naho ikipe ya Sunrise ibasha gutsinda ikipe ya Kiyovu ibitego 2-1.

Umunsi wa Gatanu wageze ku musozo ikipe ya Espoir itsinda Kirehe igitego 1-0 , Rayon Sports itsinda 3-0 ikipe ya Bugesera, AS Muhanga inganya 0-0 na Marines FC mu gihe Police FC yatsinze 1-0 ikipe ya Musanze.

Umunsi wasojwe kuri uyu Kane tariki ya 08 Ugushyingo, nkuko byari biteganyijwe shampiyona isubikwa bitewe n’imikino ikipe y’igihugu Amavubi y’abatarengeje imyaka 23 yitegura kuzakina na DR Congo tariki ya 14 Ugushyingo 2018 hamwe n’undi mukino ikipe y’igihugu Amavubi y’abakuze izakina na Centrafrique tariki ya 18 Ugushyingo 2018.

Imikino ya Shampiyona iteganyijwe gusubukurwa tariki ya 29 Ugushyingo 2018.

Dore uko amakipe akurikirana n’amanota afite ku musozo w’umunsi wa Gatanu.

1 APR FC 15
2 Mukura 13
3 Rayon 12
4 Police Fc 12
5 Muhanga 09
6 Kiyovu 07
7 Sunrise 07
8 Espoir 07
9 Bugesera 05
10 AS Kigali 04
11 Marines 04
12 Amagaju 04
13 Musanze 04
14 Etincelles 03
15 Kirehe Fc 02
16 Gicumbi 01

Yisangize Inshuti.

Ibitekerezo

Tanga Igitekerezo