RWANDA : Bakoreshe ikoranabuhanga mu nzego z’ibanze bagabanye ingendo

  RWANDA : Bakoreshe ikoranabuhanga mu nzego z’ibanze bagabanye ingendo

Ibiro bya Ministre w’intebe biratangaza ko u rwego rw’intara rugiye gukurwaho ndetse n’izindi nzego z’ibanze zigomba guhagurukira gukoresha cyane ikoranabuhanga ; rigabanya ikiguzi cy’ibyatangwanga ku ngendo z’abakozi b’izi nzego mu kazi kabo begera abaturage. Ni mu gihe harimo gutegurwa inyigo y’ingengo y’imari izakoreshwa n’inzego zose za leta. Kugeza mu mwaka wa 2020.

Ikiciro cya gatatu cyagombaga cya decentralization gutangira mu 2015 ; hakurwaho urwego rw’intara, ariko ngo “ leta yongeyeho igihe gito” nk’uko bitangazwa na Kampeta Sayinzoga umuyobori mu biro bya Ministre w’intebe.Mu kwegereza ubuyobozi abaturage ; U Rwanda ruri ku musozo w’ikiciro cya 2. Bigendanye n’amavugururwa yakozwe kuva mu mwaka wa 2000. Ubwo hatangiraga kubaho uturere Twasimbuye Komini zasagaga 140 zibumbiye mu ma Prefegituta 12. Kuri ubu uturere ni 30 tubumbiye mu Ntara 4 n’umujyi wa Kigali. Intara zasimbuye prefecture.

Ibi bigamije kongerera ubushobozi inzego z’ibanze nk’uturere, imirenge n’utugari. Kugirango muri izi nzego abe ariho umuturage abona serivisi zose akeneye. Ariko muri iri vugurura, abadepite bagaragaza hakenewe kongerwa ingengo y’imari ijyana kongerera ubushobozi abakozi b’izi nzego, mu ngengo bakora zegera abaturage nk’uko abakozi ubwabo babigaragaje ngo imari ntihagije.

Ibiro bya Minisitiri w’intebe nk’urwego rushinzwe guhuza ibikora ku rwego rw’igihugu ndetse n’ubugenzuzi rugaragaza ko mu ibyo izi nzego zisaba byose bitabonekera icyarimwe, kuko bisaba kongera ku buryo buhanitse ingengo y’imari Nyamara mu ivugurura hashyizweho n’uburyo bwo gukoresha ikoranabuhanga. Bwagombye gusimbuzwa ibi byose bukoreshejwe neza.

Kampeta Sayinzoga Umuyobozi mu biro bya Minisitiri w’intebe Atangaza ko “ leta yashoye byinshi mu ikoranabuhanga ku buryo byagombye kuzibira icyuho ingengo y’imari y’ingendo zikorwa n’abakozi bo mu nzego z’ibanze.” Bityo bakwiye kurikoresha mu kazi kabo aho kurifata n’umugereka kubyo bagenerwa bakoresha mu kazi. Ati “nta bundi buryo uretse gushyira igitutu ku ngengo y’imari ikagabanuka nibwo bazitabira kurikoresha.” Ibi bikaba ari akazi ka Minisiteri y’imari n’igenamigambi.

Ibi kandi bivuga ko n’abaturage bagomba kurushaho kwitabira kumenya uburyo bw’ikoranabuhanga. Naho ibijyanye no kongera abakozi b’intara aho bakorera kuko ari hato no kuborohereza imari ikoreshwa mu ingendo. Ngo kuri ubu ntabyo leta ifite muri gahunda. Kuko vuba urwego rw’intara ruraseswa bijyanye n’ishyirwa mu bikorwa ry’ikiciro cya gatatu cyo kwegereza ubuyobozi abaturage Decentralization.