UN : Niba ntagikozwe umwaka wa 2030 uzazanga ibihugu bikennye bicyugarijwe

UN : Niba ntagikozwe umwaka wa 2030 uzazanga ibihugu bikennye bicyugarijwe

Kugeza mu mwaka wa 2030 ; ibihugu bikennye bizaba bitaratera intambwe nk’uko bitangazwa na ONU. Muri raporo y’ishami ry’umuryango mpuzamahanga rishinzwe ubukungu n’imibereho myiza Igaragaza ko mu mezi atandatu ashize ubukungu bwazamutse nk’uko byari byitezwe hakurikijwe ibimenyetso byacaga amarenga icyo gihe. Mu bihugu byazamutse mu bukungu Ibya Afurika ntibirimo.

Raporo igaragaza ko muri rusange isi itasubiye inyuma mu bijyane n’ishoramari ry’igihe kirambye. Ndetse inganda zatanze umusaruro ku buryo bukwiye by’imwihariko ibihugu byo muri Asia y’uburasirazuba byazamuye umubare w’ibicuruzwa byohereza ku masoko mpuzamahanga. Umusaruro w’inganda ku isi wagombaga kuzamukaho 2,7% muri uyu mwaka wa 2017 kandi koko ngo niko byagenze muri uyu mwaka. Mu mwaka wa 2018 bwo bizazamukaho 2,9%. Ariko uku kuzamuka kwiganje mu bihugu bya Asia y’uburasirazuba n’iyamajyepfo.

Amerika y’amajyepfo muri aya mezi atandatu ubucuruzi bwayo bwisubiyeho ariko buzamuka biguruntege. Mu gihe umusaruro wa buri muturage muri afurika utiyongeyeho na gato ndetse ngo hari n’aho warushijeho kugabanuka. Ni ikibazo kihariwe n’ibihugu byose biri mu nzira y’amajyambere n’ubundi imibare y’agateganyo yagaragazaga ko guhera mu kwezi kwa mbere ubu bucuruzi bwagombaga kuzamukaho 7%. Iyi raporo igaragaza ko ntagikozwe bizarinda bigera mu mwaka wa 2030. Diana Alarcón, akuriye ishami ry’ubugenzuzi mu by’ubukungu muri ONU ati”Dukurikije uko uru rugendo rumeze biragaragara ko ntagikozwe ngo hagabanuke ubu busumbane, n’ubundi 35% by’abatuye mu bihugu bikennye n’ubundi bazaba bakiri mu bukene mu mwaka wa 2030". Ngo hakenewe gahunda z’inyongera zo kurwanya ubukene mu nzira yo guca ubusumbane n’amahirwe ku muturage wese n’ibyo yinjiza. Byazamura umwuka mwiza wo gucururizamo.

Ni mu gihe ku buryo burambye amadevize menshi yataye agaciro ndetse ku buryo bwisubiramo bityo ikizere cyo kongera kubura umutwe ku bihugu bimwe kikayoyoka.. Ibi byaturutse ku matora yo muri Leta zunze ubumwe za Amerika. Abahanga mu bukungu bagaragaje ko kuba isi itazi aho politique ya Donald Trump yerekeza nyamara ayoboye igihugu nka USA cyagaragajwe nk’umutima w’ubukungu bw’isi Abahanga bakurikije ingamba zo kugabanya imisoro n’impinduka mu bucuruzi Donalt Trump yiyamamaje avuga.

Inyandiko y’ikinyamakuru Le Temps igaragaza ububushinwa nk’igihugu kiharira igice kinini cy’ubukungu bw’uyu mwaka kuko leta yabo yari yariteguye impinduka kuva mu mwaka ushize wa 2016. Mu gihe ibindi bihugu by’uburayi byahanganye no guha umutuzo ku mayero yari atangiye kujegajega ku isoko no guta agaciro. Amayero yataye agaciro nyuma bya Brexit n’itorwa rya Trump. Ibiciro ku mugabane w’uburayi byiyongeyeho 1,3% kuva mu kwezi kwa 11/2016. Ndetse amayero atakaza agaciro ku kigero cya 0,6%, ari nabyo Abanyaburayi bose na banki yabo ndetse n’ikigega cy’isi cy’imari kiri mu Busiwisi bagerageza kugarura ku murongo Amayero. Naho ibihugu bya Afurika bisabwa kurushaho kureshya abashoramari by’umwihariko bagabanya ibihombo bahura nabyo batangiye ubucuruzi. Byiyongera kukuzamura kuringaniza amahirwe.

Kuri iyi ngingo ngo ikoranabuhanga mu mabanki riraza gufasha cyane u Rwanda. Benjamin NYAKIREGA ashinzwe iterambere n’ingamba zo kurigeraho muri Banki y’igihugu y’iterambere BRD. Agaragaza ko ikoranabuhanga nirishinga imizi mu mabanki bizihutisha serivise kandi ngo n’ubundi ikibazo ni igishoro ati “kukibona ntibizaba bikigoye”… “Mu buryo bwose wayabona, waba uri umuhinzi cg ukora ubucuruzi buciriritse, kuri buri wese akaboneka. Ni nacyo cyaburaga ku mugabane wa Afrika. Igishoro aho kiri kirahagarara kuko nta buryo n’amabwiriza byashyizweho. None ubu dufite ikoranabuhanga ribihuza byose. Tukabona service.”