Uyu munsi ni kuwa Mbere w’itariki 27 Nzeli 2021, ni Umunsi wa 270 mu minsi igize umwaka harabura iminsi 95 ngo uyu mwaka urangire, Turi kuwa mbere wa 39 kuva 2021 yatangira tugeze mu cyumweru cya 40 mu byumweru bigize umwaka wa 2021.
Ni bande bavutse kuri uyu munsi?
1.Francesco Totti (1976)
Yujuje imyaka 45, Umutaliyani wahoze ari rutahizamu wa Milan AC n’ikipe y’igihugu y’u Butataliyani
Uyu mugabo bakunze kwita amazina nka Bimbo de Oro (The Golden Boy), L’Ottavo Re di Roma (The Eighth King of Rome), Er Pupone (The Big Baby), Il Capitano (The Captain), and Il Gladiatore (The Gladiator) yazamukiye kd akurira muri As Roma.
Totti yageze muri As Roma mu 1989 ayifasha gutwara shampiyona y’u Butataliyani ya 2000-01, Coppa Italia: 2006–07, 2007–08 na Supercoppa Italiana: 2001, 2007.
Totti aza ku mwanya wa kabiri mu bakinnyi bamaze gutsinda ibitego byinshi (250) muri shampiyona y’u Butaliyani akaza ku mwanya wa Gatandatu mu bataliyani bamaze gutsinda ibitego byinshi(316) mu mikino yose.
Mu ikipe y’igihugu Totti yabakiniye imikino 58 abatsindira ibitego 9 yari kumwe nayo batwara igikombe cy’isi cya 2006.
2.Granit Xhaka (1992)
/cdn.vox-cdn.com/uploads/chorus_image/image/69418200/1319625709.0.jpg?ssl=1)
Yujuje imyaka 29, Umusuwisi ukina hagati mu kibuga yugarira muri Arsenal n’ikipe y’igihugu y’u Busuwisi
Granit Xhaka Yanyuze mu makipe nka FC Basel, Borussia Mönchengladbach, Arsenal nikipe y’igihugu y’u Busuwisi amaze gukinira imikino 98 amaze kuyitsindira ibitego 12, yari kumwe nayo batwara igikombe cy’isi cy’abatarengeje imyaka 17 muri 2009.
3.Dick Advocaat (1947)
Yujuje imyaka 74, Umuholandi wahoze akina umupira w’amaguru muri Sparta Rotterdam, kuri ubu ni umutoza mukuru w’ikipe y’igihugu ya Iraq
Dirk Nicolaas Advocaat wakinaga nk’umukinnyi wo hagati wugarira Yanyuze mu makipe atandukanye nka Sparta Rotterdam, ADO Den Haag, Chicago Sting, K. Berchem Sport, VVV-Venlo na Roda JC
Mu butoza amaze gutoza amakipe nka PSV Eindhoven, Borussia Mönchengladbach, AZ Alkmaar, Utlecht, Sunderland, Sparta Rotherdam n’amakipe y’ibihugu y’u Buholandi, Iraq, Leta zunze ubumwe z’Abarabu na Koreya y amajyepfo
4.Maxwel Cornet (1996)
Yujuje imyaka 25, umunya-Côte d’Ivoire ukina aca ku mpande asatira muri Burnley n’ikipe y’igihugu ya Côte d’Ivoire
Gnaly Albert Maxwel Cornet Yanyuze mu makipe nka Metz, Lyon, Burnley n’ikipe y’igihugu y’u Bufaransa yakiniye kuba mu batarengeje imya 15 kugeza ku batarengeje imyaka 21, ubu akinira ikipe y’igihugu nkuru ya côte d’Ivoire amaze kuyikinira imikino 22 yayitsindiye ibitego 4.
Ibihe by’ingenzi byaranze itariki nk’iyi mu mateka y’imikino:
1961 Chelsea yirukanye, Ted Drake, wari umutoza wabo mu gihe kingana n’imyaka 9, ni nawe wabahaye shampiyona y’icyiciro cya kabiri imwe rukumbi bagira
1988 – umunya-Canada Ben Johnson bamusezereye mu mikino Olempike yaberaga i Seoul muri Koreya y’Epfo, nyuma yo gusanga steroid stanozolol mu nkari ze ; ibi byatumye umunyamerika Carl Lewis atwara umudali wa zahabu Olempike mu kwirukana metero 100.
2014 : Ikipe y’igihugu ya Nouvelle Zélande yegukanye igikombe cy’isi cya Rugby itsinze Iya Argentina amanota 31-13.
Byateguwe na Esther Fifi Uwizera/RadioTV10 ku bufatanya na DSTV
