Basketball: Imikino ya ½ ya “Playoffs 2021” mu bagabo n’abagore igiye gutangira

Mu mpera z’iki Cyumweru taliki 16 na 17  Ukwakira 2021 hateganyijwe imikino ya ½  ya  “BK BNL Playoffs 2020-2021” mu bagabo n’abagore. Imikino ikaba igomba kubera muri Kigali Arena.

Ku wa Gatandatu taliki 16 Ukwakira 2021, mu bagabo, ikipe ya Patriots BBC ifite igikombe giheruka izakina na APR BBC (15h00)  naho ikipe ya REG BBC ikine na IPRC Kigali (19h00). Mu bagore, ikipe ya The Hoops izakina na APR BBC (13h00)  naho IPRC Huye ikine na REG W BBC (17h00).

 

Kugira ngo ikipe izagere ku mukino wa nyuma igomba gutsinda imikino ibiri. Ku Cyumweru taliki 17 Ukwakira 2021, izi kipe zizakina umukino wa kabiri. Mu bagabo ikipe ya IPRC Kigali izakina na REG BBC (15h00) naho APR BBC ikine na Patriots BBC (19h00).

Mu bagore naho bazakina imikino ya ½ y’umunsi wa kabiri aho  REG W BBC izakina na IPRC Huye (13h00) naho APR BBC ikine na The Hoops (17h00)

 

Ikipe ya Patriots BBC yageze muri ½ isezereye ikipe  ya 30 Plus BBC, REG BBC isezerera Shoot 4 Stars BBC, APR BBC isezerera UGB naho IPRC Kigali  isezerera ikipe ya IPRC Huye.

 

Iyi mikino ya ½  izabera muri Kigali nk’uko tubikesha Ishyirahamwe ry’umukino wa Basketball mu Rwanda “FERWABA” abafana bemerewe kuyireba gusa bakaba basabwa kuba bipimishije COVID-19 nibura mu masaha 48 mbere y’umukino ndetse bakaba baranahawe urukingo rwa COVID-19 nibura doze imwe.

Amakipe yasezerewe muri ¼ biteganyijwe ko agomba guhatanira imyanya  kuva ku wa 5 kugera ku 8.

Ku wa Gatandatu taliki 16 Ukwakira 2021, ikipe ya 30 Plus BBC izakina na UGB (10h00) naho ikipe ya Shoot 4 Stars BBC ikine na IPRC Huye (12h00). Iyi mikino yombi izabera kuri Sitade Nto Amahoro i Remera.

 

Taliki 17 Ukwakira 2021 muri iki cyiciro, ikipe izatsindwa hagati ya 30 Plus BBC na UGB  izakina n’izatsindwa hagati ya Shoot 4 Stars BBC na  IPRC Huye  zihatanira umwanya wa 7  naho izizatsinda zikine zihatanira umwanya wa 5.

Taliki 16-10-2021

 

Abagabo

 

Patriots BBC-APR BBC (Kigali Arena-15h00)

 

REG BBC-IPRC Kigali (Kigali Arena-19h00)

 

Abagore

 

The Hoops-APR BBC (Kigali Arena-13h00)

 

IPRC Huye-REG W BBC (Kigali Arena-17h00)

 

Taliki 17-10-2021

 

Abagabo

 

IPRC Kigali-REG BBC (Kigali Arena-15h00)

 

APR BBC-Patriots BBC (Kigali Arena-19h00)

 

Abagore

 

REG W BBC-IPRC Huye (Kigali Arena-13h00)

 

APR BBC-The Hoops (Kigali Arena-17h00)

Leave a Reply

Your email address will not be published.

Related Posts