TOTAL CAF CC: APR FC yatomboranye na RS Berkane ikinamo Clatous Chama na Tuisila Kisinda

Facebook
Twitter
LinkedIn
WhatsApp

Ikipe ya APR FC yatomboye Renaissance Sportif de Berkane (RS Berkane) yo muri Morocco, kuzahura mu mikino ya kamarampaka (Playoffs) yo gushaka itike y’amatsinda ya TOTAL CAF Confederation Cup 2021-2022.

Ni tombola yayobowe na Khaled Nassar umuyobozi ushinzwe amarushanwa muri CAF wifashishije Ismail Youssef wabiciyr bigacika mu Misiri mu ikipe y’igihugu na Zamalek.

Izindi Nkuru

RS Berkane itozwa na Florent Ibenge ukomoka muri Repubulika Iharanira Demokarasi ya Congo (DR Congo) inakinamo abakinnyi babiri bamenyekanye cyane muri Simba SC. Clatous Chota Chama ukomoka muri Zambia na Tuisila Ossien Tisinda ukomoka muri Repubulika Iharanira Demokarasi ya Congo.

Image

Image

Clatous Chota Chama Mwamba wa Lusaka azahura na APR FC

Florent Ibenge wanakoze amateka yo gutwara irushanwa rya CHAN 2016 ryabereye mu Rwanda anabanje gusezerera Amavubi Stars muri ¼ cy’irangiza, azaba ahanganye na APR FC mu mikino izakinwa kuva tariki 28 Ugushyingo 2021 hakinwa imikino ibanza mu gihe imikino yo kwishyura izakinwa tariki ya 5 Ukuboza 2021.

Umukino ubanza APR FC izatangira yakira RS Berkane mbere yo gusura iyi kipe muri Morocco.

RS Berkane bakunda kwita Nadhat Berkane ni ikipe iba mu mujyi wa Berkane muri Morocco ikaba yarashinzwe mu 1938.

RS Berkane ifite amateka muri TOTAL CAF Confederation Cup kuko yayitwaye mu mwaka w’imikino 2019-2020 itsinze Pyramids SC yo mu Misiri ku mukino wa nyuma. Mu mwaka w’imikino 2018-2019 yari yatsindiwe ku mukino wa nyuma.

Moroccans RS Berkane win first ever CAF Confederation Cup title - Capital Sports

RS Berkane ubwo bishimiraga igikombe cya TOTAL CAF Confederation Cup 2020

Ikipe ya APR FC yari mu makipe yamanutse muri TOTAL CAF Confederation Cup 2021-2022 nyuma yo kugarukira mu ijonjora rya kabiri ikuwemo na Etoile Sportif du Sahel iyitsinze ibitego 5-2 mu mikino ibiri (5-2) kuko umukino ubanza byari igitego 1-1 i Nyamirambo mu gihe umukino wo kwishyura ESS yatsinze APR FC ibitego 4-0.

Dore uko amakipe azahura muri Playoffs za TOTAL CAF CC:

Zanaco (Zambia) – Binga (Mali)

Simba (Tanzania) – Red Arrows (Zambia)

TP MAzembe (DR Congo) – Marumo Gallants (South Africa)

ASEC Mimosas (Cote d’Ivoire) – GD Interclube (Angola)

Nouadhibou (Mauritania) – Coton Sport (Cameroon)

US Gendarmerie Nationale (Niger) – DC Motema Pembe (DR Congo)

AS Otoho (Congo) – Gor Mahia (Kenya)

APR (Rwanda) – RS Berkane (Morocco)

Tusker (Kenya) – CS Sfaxien (Tunisia)

Hearts if Oak (Ghana) – JS Saoura (Algeria)

Rivers United (Nigeria) – Al Masry (Egypt)

Stade Malien (Mali) – Ahly Tripoli (Libya) OR Biashara United (Tanzania)

Al Ittihad (Libya) – Enyimba (Nigeria)

AS Maniema Union (DR Congo) – Pyramids (Egypt)

LPRC Oilers (Liberia) – Orlando Pirates (South Africa)

Royal Leopards (Eswatini) – JS Kabylie (Algeria)

 

 

 

 

 

 

 

 

Leave a Reply

Your email address will not be published. Required fields are marked *

IzindiNkuru