Indege yo mu bwoko bwa kajugujugu y’igisirikare cya Kenya, yari iri mu bikorwa byo gucunga umutekano, yakoreye impanuka hafi y’umupaka uhuza iki Gihugu na Somalia, igwamo abantu bose bari bayirimo, bitaramenyekana icyayiteye.
Iyi mpanuka yabereye hafi y’umupaka wa Somalia na Kenya, yemejwe na Minisiteri y’Ingabo muri Kenya kuri uyu wa Kabiri, gusa ivuga ko hataramenyekana icyayiteye.
Iyi kajugujugu ya gisirikare yahanutse ubwo yari mu bikorwa byo kurinda umutekano muri ako gace kari hafi y’umupaka wa Somalia, amakuru akavuga ko abai bayirimo bose bahise bapfa.
Minisiteri y’Ingabi, itangaza ko hatangiye gukorwa iperereza kugira ngo hamenyekane icyateye iyi mpanuka.
Gusa birakekwa ko yaba yahanuye n’abarwanyi bo m’umutwe w’iterabwoba wa wa Al shabab ishami rya Al Qaid rimaze igihe rihungabanya umutekano muri Somalia no muri Kenya.
Muri ibi bihe bya vuba kandi umutwe w’iterabwoba wa Al shabab wongereye ibitero muri Soamalia bya hato na hato.
Denyse M. MPAMBARA
RADIOTV10
