Abagize itsinda ry’Abanyamakuru batoranya imodoka y’umwaka ibereye umugore, bemeje ko iy’uyu mwaka ari Peugeot 308.
Iri tsinda ryishyize hamwe mu rwego rwo gukundisha abagore imodoka ndetse no kubafasha guhitamo izibabereye, ryatoye iyi modoka mu gikorwa cyabereye i Paris mu Bufaransa.
Mu gutoranya imodoka y’umwaka y’abagore, bagendera ku buryo ikoze, itatse ndetse n’uburyo yoroheye ab’igitsinagore kuyitwara n’uburyo ikomeye, umutekano wayo ndetse n’igiciro.
Peugeot 308 yatsindiye igihembo cy’uyu mwaka aho yari ihanganye n’izindi modoka 65.
Linda Jackson umuyobozi mukuru wa Peugeot wakiriye iki gihembo mu Bufaransa, yashimiye aba Banyamakuru bashimye iyi modoka y’uru ruganda.
Yagize ati “Iki gihembo ni ishema ry’ikirenga ku bakozi bose ba Peugeot. Byahoze mu nzozi zanjye ko abagore bagira uruhare rukomeye mu ruganda rwacu. Kubera iki gihembo, twizeye ko tugiye kugira icyerekezo kiza.”
RADIOTV10
