Tariki 05 Gashyantare, ni umunsi havutseho ibyamamare binyuranye muri ruhago y’Isi, barimo rurangiranwa Cristiano Ronaldo uri muri ba rutahizamu b’ibihe byose.
Niba waravutse ku ya 07 Gashyantare ukaba utari umukinnyi w’umupira w’amaguru, byashoboka ko wahisemo umwuga utari wo! Iyi tariki ifite amateka akomeye mu mupira w’amaguru, kuko havutse benshi mu bakinnyi bakomeye cyane kw’isi !
Ku isonga hari Cristiano Ronaldo, umwe mu bakinnyi beza babayeho, wegukanye Ballon d’Or inshuro eshanu, atwara Champions League eshanu kandi akagira uruhare rukomeye mu gutwara Euro 2016 na Portugal.
Kuri iyi tariki kandi havukiye Neymar Jr, umukinnyi waguzwe menshi kurusha abandi mu mateka (miliyoni 222 z’amayero), uzwiho ubuhanga namacenga adashira mu kibuga.
Abandi barimo Carlos Tevez, wabaye ikirangirire muri Manchester United na Manchester City, Gheorghe Hagi, ufatwa nk’umukinnyi mwiza u Romania yigeze igira, ndetse n’abandi nka Giovanni van Bronckhorst, Billy Sharp, Stefan de Vrij na Adnan Januzaj.
Mu ncamake, tariki ya 5 Gashyantare ni nka “jackpot” mu mupira w’amaguru umunsi wavukiyemo impano nyinshi zahinduye amateka y’uyu mukino ukunzwe ku Isi.
RADIOTV10
