Sudan: Ibibombe biremereye byasize agahinda kenshi mu nzirakarengane

Abantu 39 biganjemo abagore n’abana, bahitanywe n’igitero cy’ibisasu mu gace ka Nyala, gaherereye mu majyepfo y’umurwa mukuru wa Darfur muri Sudani mu mirwano ikomeye yashyamiranyije igisirikare cya Leta n’inyeshyamba.

Aba baturage b’abasevile biciwe muri iyi mirwano yabaye kuri uyu wa Kabiri, bahitanywe n’ibi bisasu byo mu bwoko bwa rocket byaraswaga n’impande zombi, bigwa ku nzu yabo abahirima hejuru, bahita bahasiga ubuzima.

Abasaga ibihumbi 50, nibo bamaze gukurwa mu byabo n’iyi mirwano mu gace ka Nyala kuva ku itariki 11 z’uku kwezi kwa Kanama 2023, nkuko Umuryango w’Abibumbyi wabitangarije AFP dukesha iyi nkuru.

Assoumani TWAHIRWA
RADIOTV10