Rutahizamu Heritier Luvumbu ukomoka muri Repubulika Iharanira Demokarasi ya Congo, usanzwe akinira Rayon Sports wanayifashije mu mikino ibanza ya Shampiyona, yageze mu Rwanda kuyifasha mu yo kwishyura.
Kuri uyu wa Gatanu nibwo hatangira imikino yo kwishyura muri Rwanda Premier League aho ikipe ya Rayon Sports igomba kwakira Gasogi United kuri Kigali Pele stadium.
Ikipe ya Rayon Sports ifite impungenge zo kutazakinisha bamwe mu bakinnyi ngenderwaho cyane cyane b’abanyamahanga kuko batinze kuva mu biruko.
Heritier Luvumbu ukomoka muri Congo Kinshasa ni we wabaye umukinnyi ngenderwaho muri Rayon Sports wageze mu Rwanda akaba na we yaratinze kugera mu myitozo ya Rayon Sports.
Byitezwe ko uyu mukinnyi azakora imyitozo kuri uyu wa Kane ndetse bikaba binahabwa amahirwe macye ko atazakina umukino uzahuza na Rayon na Gasogi United.
Jean Claude KANYIZO
RADIOTV10
