Umugaba Mukuru wa RDF aherekejwe n’abarimo Gen Karuretwa bari muri Algeria

Umugaba Mukuru w’Ingabo z’u Rwanda, General Jean Bosco Kazura aherekejwe n’abarimo Umuyobozi ushinzwe ubutwererane mpuzamahanga muri RDF, Brig Gen Patrick Karuretwa, bari mu ruzinduko rw’iminsi itatu muri Algeria.

Byatangajwe n’Ubuyobozi bw’Ingabo z’u Rwanda mu itangazo bwashyize hanze kuri uyu wa Mbere tariki 12 Nzeri 2022.

Iri tangazo rivuga ko Umugaba Mukuru w’Ingabo z’u Rwanda, General Jean Bosco Kazura yanagiranye ibiganiro na mugenzi we, Umugaba Mukuru w’Ingabo za Algeria ANPA (Algeria National Popular Army), Lieutenant General Saïd Chengriha.

Ni ibiganiro byagarutse ku mubano n’imikoranire hagati y’Igisirikare cy’u Rwanda (RDF) n’icya Algeria, (ANPA).

Uretse Umuyobozi ushinzwe ubutwererane mpuzamahanga muri RDF, Brig Gen Patrick Karuretwa waherekeje Umugaba Mukuru w’Ingabo z’u Rwanda, yanaherekejwe kandi n’Umugaba Mukuru Wungirije w’Ingabo zirwanira mu kirere, Col G Gasana.

RADIOTV10