Ishami ry’Umuryango w’Abibumbye ryita ku Mpunzi UNHCR, ryatanze impuruza, risaba Ibihugu by’ibituranyi bya Soudan korohereza abaturage barimo bahunga intambara ihanganishije impande ebyiri zitavuga rumwe.
Ni intambara yatangiye ku itariki 15 z’uku kwezi kwa Kane turimo dusoza.
Muri Soudan, kandi haravugwa amakuru ko Turkey yatangaje ko indege yayo yagiye muri Soudan gucyura abaturage bayo baba muri Soudan yarashweho urufaya rw’amasasu, yangirika igice cyayo kijyamo amavuta ayitwara.
Umutwe witwara gisirikare uhanganye na Leta ya Soudan uzwi nka Rapid Support Forces, wahakanye ibyo kurasa kuri iyi ndege, uvuga ko byakozwe n’ingabo za Leta yo itaragira icyo ibivugaho nkuko BBC yabitangaje.
Assoumani TWAHIRWA
RADIOTV10
