Ambasaderi Cecilia Adeng wabaye umugore wa mbere wahawe inshingano zo guhagararira Sudani y’Epfo mu Muryango w’Abibumbye, yashyikirije ibyangombwa Umunyamabanga Mukuru w’uyu Muryango.
Minisitiri w’Ububanyi n’Amahanga wa Sudan y’Epfo yatangaje ko Cecilia Adeng, ku wa mbere uyu mugore Cecilia Adeng yashyikirije Antonio Guterres ibyangombwa bimwemerera guhagararira Igihugu cya Sudan y’Epfo mu Muryango w’Abibumbye.
Kuva iki Gihugu cya Sudani y’Epfo cyabona ubwigenge muri 2011, nibwo bwa mbere gihagarariwe n’umugore muri uyu Muryango w’Abibumbye.
Zimwe mu nshingano zishyizwe imbere cyane na Ambasaderi Cecilia Adeng, harimo guharanira ko habaho amahoro, umutekano usesuye, iterambere, uburenganzira bwa muntu ndetse n’ibindi bibazo bitandukanye byugarije Sudani y’Epfo bikaranduka.
Ambasaderi Cecilia Adeng yagizwe uhagarariye Sudani y’Epfo asimbuye Akuei Bona Malual, wari uhagaraiye iki Gihugu mu Muryango w’Abibumbye.
Olive YAMBABARIYE
RADIOTV10
