Uyu munsi ni kuwa Gatatu w’itariki ya 20 Ukwakira 2021, ni umunsi wa 293 mu minsi igize umwaka harabura iminsi 72 ngo umwaka urangire, Turi kuwa Gatatu wa 42 kuva 2021 yatangira Turi mu cyumweru cya 43 mu byumweru bigize umwaka wa 2021. Ni umunsi mpuzamahanga wahariwe ibarurishamibare.
Ni bande bavutse ku munsi nk’uyu?
1.Claudio Ranieri (1951):
Yujuje imyaka 70, umutoza w’umutaliyani utoza Watford yo mu bwongereza, akaba ari we wahesheje Leicester City igikombe cya shampiyona ya 2015-16.
Amaze kunyura mu makipe 23,nk’umukinnyI yakinaga nka myugariro mu makipe nka As Roma na Palermo
2.Ian Rush (1961):
Yujuje imyaka imyaka 60,umwongereza wahoze akina nka Rutahizamu wa Liverpool hagati ya 1980–1987 no mu 1988–1996 yakiniye kandi Chester City, Juventus, Leeds United, Newcastle United, Sheffield United, Wrexham na Sydney Olympic.
Kugeza muri 2018, Rush niwe wari ufite agahigo k’umukinnyi umaze gutsindira Wales ibitego byinshi mu mikino 73 yayikiniye.
3.Mattia De Sciglio (1992):
Yujuje imyaka 29 Umutaliyani ukina ku ruhande rw’iburyo inyuma muri Lyon nk’intizanyo ya Juventus n’ikipe y’igihugu y’u Butataliyani.
Yanyuze mu makipe nka Milan AC, mu ikipe y’igihugu y’u Butaliyani amaze kuyikinira imikino 39 nta gitego arayitsindira.
4.Stefano Pioli (1965):
Yujuje imyaka 56, Umutaliyani wahoze akina nka myugariro muri Juventus, Hellas Verona na Fiorentina kuri ubu akaba atoza Milan AC.
5.Michel Vorm (1983):
Yujuje imyaka 38, Umuholandi wahoze ukina nk’umunyezamu muri Tottenham n’ikipe y’igihugu y’u Buholandi. Yanyuze mu makipe nka Utrecht, Swansea City ,ku italiki ya 26 Ukwakira 2020 nibwo Vorm yatangaje ko ahagaritse gukina nkuwabigize umwuga ku myaka 37, n’ikipe y’igihugu y’u Buholandi yayikiniye imikino 15, gusa yarahisheje igikombe cy’Uburayi cya 2006 mu batarengeje imyaka 21.
Ibihe by’ingenzi byaranze itariki nk’iyi mu mateka y’imikino itandukanye ku isi.
1964 :Tamara Press, umunya-Leta zunze ubumwe z’abasoviyete kazi yegukanye umudali wa zahabu mu gutera intosho, mu mikino Olempike yabereye i Tokyo
1981: Umukino New York Knicks yatsinzemo New Jersey Nets amanota 103-99, ni wo mukino wa mbere wa NBA wari ukiniwe kuri Meadowlands Arena.
1982: Abantu 66, bitabye Imana bazize umubyigano wabereye kuri Luzhniki stadium, ku mukino wa nyuma wa UEFA Cup wahuzaga FC Spartak Moscow na Haarlem FC yo mu Buholandi.
2007: Ku nshuro ya gatandatu hakinwa igikombe cy’isi cya Rugby, Afrika y’epfo yatsinze iy’u Bwongereza amanota 15-6.
Byateguwe na Esther Fifi Uwizera/RadioTV10 ku bufatanya na DSTV
