Undi muntu umwe yishwe n’icyorezo cya Marburg mu Rwanda, bituma abamaze kwitaba Imana bazize iyi ndwara bagera mu 10, haboneka abandi bantu babiri bayanduye.
Ni nyuma y’imibare yashyizwe hanze na Minisiteri y’Ubuzima mu Rwanda kuri uyu wa Kabiri tariki 01 Ukwakira 2024, igararaza uko iki cyorezo cya Marburg gihagaze mu Rwanda.
Kugeza ubu abamaze gusanganwa ubwandu bw’iyi ndwara, ni 29, barimo babiri bashya bagaragaye kuri uyu wa Kabiri tariki 01 Ukwakira 2024.
Abari kuvurwa ni abantu 19, mu gihe abandi 10 hafi 1/2 cy’abayanduye bose, bamaze guhitanwa na yo barimo umwe witabye Imana kuri uyu wa Kabiri.
Abamaze kwitaba Imana bazize iyi ndwara biganjemo abaganga nk’uko biherutse gutangazwa na Minisiteri y’Ubuzima, ndetse kuri uyu wa Kabiri Minisitiri w’Ubuzima, Dr Sabin Nsanzimana akaba yasuye abaganga bakorera mu Bitaro bitandukanye abihanganisha ku bwo kubura bagenzi babo bazize iki cyorezo.
RADIOTV10
