Guverinoma ya Mozambique yemeje umushinga w’itegeko ryo kugabanya umushahara w’Abaminsitiri, Abanyamabanga ba Leta n’abagize Inteko Ishinga Amategeko, hagamijwe intego zinyuranye zirimo kugabanya ikinyuranyo gikabije cy’imishahara mu bakozi ba Leta.
Ni umushinga ugamije kugabanya kandi amafanga Leta isohora mu mishahara y’aba bayobozi bo hejuru, kuko yari menshi ugereranyije n’amikoro y’Igihugu.
Minisiteri y’Imari yo muri iki Gihugu cya Mozambique, itangaza kandi ko ibi byakozwe kugira ngo hanakemurwe ikibazo cy’ubusumbane mu mishahara cyaterwaga n’aba bakozi bahembwaga akayabo, mu gihe abandi babona urusenda.
Gusa ntibavuze umubare w’ayakaswe kuri iyo mishahara, ariko bavuga ko hari icyo bizatanga.
Eugenie NYIRANSABIMANA
RADIOTV10