Umutoza ukomoka muri Repubulika Iharanira Demokarasi ya Congo, Andy Mfutila watoje Ikipe y’Ingabo z’u Rwanda, APR FC na Rayon Sports, yitabye Imana kuri uyu wa Gatanu, tariki 21 Nyakanga 2023.
Uyu mugabo w’imyaka 62, yari arwariye mu Bitaro bya Kaminuza ya Kinshasa kuva ku Cyumweru gishize tariki 16 Nyakanga 2023, ari na ho yaguye kuri uyu wa Gatanu
Uyu mutoza yatoje APR FC kuva muri 2007 kugeza muri 2008 batwarana ibikombe bitatu birimo icya Shampiyona, icy’Amahoro ndetse na CECAFA Kagame Cup.
Uyu mutoza kandi yanatoje Rayon Sports mu mwaka wa 2014, akaba kandi yarananyuze mu makipe nka AS Vital Club, Saint-Éloi Lupopo, Don Bosco n’Ikipe y’Igihugu ya Repubulika Iharanira Demokarasi ya Congo.
Adelaide ISHIMWE
RADIOTV10
