Amashusho y’abavandimwe bakina ruhago Alexis Mac Allister ukinira Liverpool na Kevin Mac Allister, bahuje urugwiro bari gusangira mu gaterimosi, akomeje kugarukwaho cyane mu isi ya ruhago.
Ni amashusho yafashwe ku mugoroba wo kuri uyu wa Kane tariki 05 Ukwakira ubwo Liverpool yakinaga Union Saint-Gilloise, ukarangira iyi kipe yo mu Bwongereza itsinze ibitego 2-0.
Mbere y’uyu mukino wa Europa League, Alexis Mac Allister na mukuru we Kevin Mac Allister, bari bagiye guhura, babanje kugaragara mu kibuga, bari gusangira icyo kunywa, aho Mac Allister mukuru yahaga murumuna iwe icyo kunywa, akamusinyira.
Catching up before kick-off 🇦🇷#UEL | #LIVUSG pic.twitter.com/3tWJUkmejK
— Liverpool FC (@LFC) October 5, 2023
Amashusho y’aba bavandimwe bari gusangira, yatanzweho ibitekerezo na bamwe mu bakunze gukurikirana ibya ruhago, bashimye uburyo bagaragaye bishimye, mbere y’uko bahura.
Umwe yagize ati “Umuntu ashatse yanavuga ko ibyabo birenze ubuvandimwe ahubwo ari n’inshuti.”
![](https://i0.wp.com/radiotv10.rw/wp-content/uploads/2023/10/F7tBDwtWsAAh8y7.jpeg?resize=900%2C1086&ssl=1)
![](https://i0.wp.com/radiotv10.rw/wp-content/uploads/2023/10/F7s__SSWgAETef9.jpeg?resize=900%2C1125&ssl=1)
RADIOTV10