Tusker FC ikinamo umunyezamu akaba n’umunyarwanda, Emery Mvuyekure yatwaye igikombe kiruta ibindi mu gihugu cya Kenya (FKF Super Cup 2021) itsinze Gor’Mahia FC penaliti 8-7 nyuma y’uko iminota y’umukino yarangiye banganya igitego 1-1.
Tusker FC yatwaye igikombe cya Super Cup 2021 nyuma yo kuba yari yatwaye igikombe cya shampiyona 2020-2021, igikombe cya 11 mu mateka yayo.
Tusker FC yatwaye Super Cup ya gatatu kuko yatwaye icy’uyu mwaka gisanga bibiri yatwaye mu 2012 na 2013.
Uyu mukino ntabwo Emery Mvuyekure yawukinnye ndetse ntabwo yari no ku rutonde rw’abakinnyi bitabajwe muri uyu mukino.
Tusker FC kuri ubu yabonye itike yo kwinjira mu ijonjora rya kabiri rya TOTAL CAF Champions League 2021-2022 nyuma yo gukuramo Arta Solar ikinamo Alex Song.
