Havutse Mutsinzi Ange, Patrick M’Boma, Paulo Dybala…Ibizirikanwa muri siporo kuri iyi tariki

Buri munsi uba ufite amateka yawo haba ibyabaye ndetse n’abavutse kuri uwo munsi. Muri siporo y’isi hari byinshi byabaye ku itariki nk’iyi ya 15 Ugushyingo birimo abakinnyi bakomeye bavutse ku munsi nk’uyu barimo Mutsinzi Ange Jimmy ndetse na Patrick M’Boma.

Kuri uyu Mbere w’itariki ya 15 Ugushyingo 2021, ni umunsi wa 319 mu minsi igize umwaka harabura iminsi 46 ngo umwaka urangire, Turi kuwa Mbere wa 46 kuva 2021 yatangira, Turi mu cyumweru cya 47 mu byumweru bigize umwaka wa 2021

Ni bande bavutse ku munsi nk’uyu

1. Mutsinzi Ange ?? (1997)

Yujuje imyaka 24, myugariro wa CD TROFENSE  n’ikipe y’igihugu y’u Rwanda Amavubi

Mutsinzi Ange yazamukiye muri AS Muhanga akomereza muri Rayon Sports imyaka ine ayivamo ajya muri APR FC.

2. Patrick M’Boma ?? (1970)

Yujuje imyaka 51, uwahoze ari Rutahizamu wa Paris Saint-Germain n’ikipe y’igihugu ya Cameroon

Henri Patrick Mboma Dem, yanyuze mu makipe nka Paris Saint-Germain, Gamba Osaka, Cagliari, Parma, Vissel Kobe, Sunderland n’izindi.

Mu ikipe y’igihugu ya Cameroon yatwaranye nayo umudali wa zahabu Olempike mu mupira w’amaguru mu mikino Olempike yabereye i Sydney muri Australia mu w’2000,  yanayifashije gutwara ibikombe bya Afrika bibiri (2000 & 2002)

3. Paulo Dybala ?? (1993)

Yujuje imyaka 28, umunya-Argentina ukina asatira muri Juventus n’ikipe y’igihugu ya Argentina

Paulo Bruno Exequiel Dybala yatangiriye umupira w’amaguru muri Córdoba ayivamo ajya muri Palermo ayifasha kuzamuka mu cya mbere agurwa na Juventus muri 2015,akaba amaze gutwarana nayo shampiyona eshanu

Mu ikipe y’igihugu ya Argentina amaze kuyikinira imikino 29 yayitsindiye ibitego bibiri.

4. Karl-Anthony Towns ?? (1995)

Yujuje imyaka 26, umunyamerika ukina umukino w’intoki wa Basketball yugarira muri Minnesota Timberwolves ari nayo yamutoranyije yinjira muri NBA muri 2015.

5. Nshimiyimana Marc Govin ?? (1999)

Yujuje imyaka 22, myugariro wa Mukura Cs n’ikipe y’igihugu Amavubi, yanyuze mu Ntare na AS Kigali.

Ni bande bitabye Imana ku munsi nk’uyu

2009 Antonio de Nigris, yari umukinnyi w’umupira w’amaguru w’umunya-Mexique, yakiniye amakipe nka Monterrey, Villarreal n’ikipe y’igihugu ya Mexique yakiniye imikino 16, yitabye Imana azize indwara y’umutima

Ibihe by’ingenzi byaranze itariki nk’iyi mu mateka mu mateka y’imikino itandukanye ku isi

NEC Nijmegen, ikipe y’umupira w’amaguru yo mu cyiciro cya kabiri mu Buholandi yarashinzwe

Gelders Veenendaalse Voetbal Vereniging izwi ku kazina ka GVVV, ikipe y’umupira w’amaguru yo mu Buholandi yarashinzwe

Umurusiyakazi Maria Sharapova, yegukanye irushanwa risoza umwaka w’imikino muri Tennis, rikaba ritegurwa n’ishyirahamwe ry’abagore bakina umukino wa Tennis WTA, yaritwaye atsinze Selena Williams amaseti 2-1 (4–6, 6–2, 6–4) ni murusiyakazi wa mbere wari uryegukanye

Abanya Repubulika ya Czech kazi Karolína Plíšková & Barbora Strýcová begukanye igikombe cy’isi cya Tennis mu bagore batsinze abarusiyakazi Anastasia Pavlyuchenkova & Elena Vesnina

LeBron James yaciye kuri Wilt Chamberlain, ahita yinjira muri batanu ba mbere ku rutonde rw’abakinnyi batsinzemo amanota menshi muri NBA, hari mu mukino wabereye kuri Staples Center, Lakers itsinda Portland Trail Blazers amanota  126-117

Urutonde rw’abakinnyi batsinze amanota menshi mu mateka ya NBA

1. Kareem Abdul-Jabbar: 383 872
2. Karl Malone: 369 283
3. LeBRON James: 342 414
4. Kobe Bryant: 336 435
5. Michael Jordan: 322 926
6. Dirk Nowitzki: 315 607
7. Wilt Chamberlain: 314 198

Esther Fifi UWIZERA
Radio&TV10