Ikipe ya Rayon Sports y’abagore (WFC) yegukanye Igikombe cya Shampiyona ya 2025-2026, kiba icya gatatu itwaye yikurikiranya, cyaje giherekejwe na Miliyoni 20 Frw, nk’ikipe ya mbere.
Ikipe ya Rayon Sports y’abari n’abategarugori yatwaye igikombe cya shampiyona y’icyiciro cya mbere ihita yuzuza inshuro ya Gatatu yikurikiranya.
Byabaye kuri iki Cyumweru nyuma yo gutsinda ikipe ya Muhazi United ku munsi wa nyuma wa shampiyona y’abagore igitego 1-0 cyatsinzwe na rutahizamu Gikundiro Scholastique ku munota wa 62.
Rayon Sports WFC yari yaje muri uyu mukino isabwa kunganya gusa kugira ngo itware igikombe aho tanabigezeho ikabona intsinzi.
Rayon Sports wFC yegukanye iki gikombe ifite amanota 57 n’ibitego 63 izigamye, Police iyikurikira ifite amanota 54 ikaba izigamye ibitego 46.
Rayon Sports ibaye ikipe ya 2 itwaye ibikombe 3 bya Shampiyona yikurikinya kuva yazamuka mu cyiciro cya mbere muri 2023. Ni nyuma y’uko ikipe ya AS Kigali yo yatwaye ibikombe 10 yikurikiranya kuva muri 2008 kugeza muri 2018 gusa uyu iyi kipe ubu ikaba yaramanutse mu cyiciro cya kabiri. Usibye kuba yegukanye igikombe yanahawe igihembo cya Miliyoni 20 Frw.
Jean Claude KANYIZO
RADIOTV10
