Umutoza w’Ikipe y’Igihugu yamaze gutangaza abakinnyi 24 azajyana muri Mali gukina umukino ubanza uzahuza u Rwanda na Mali mu gushaka itike y’Igikombe cya Afurika cya 2027. Mu basigaye bari bahamagawe barimo Muhire Kevin.
Aba bakinnyi 24, barimo cumi na barindwi (17) bakina hanze y’u Rwanda, batandatu (6) bakina imbere mu Gihugu n’umwe udafite ikipe ari we Claude Niyomugabo. Ikipe y’Igihugu izafata rutemikirere yerecyeza muri Mali kuri uyu wa Kabiri tariki 10 Ugushyingo 2026.
Aba bakinnyi bazajyana n’ikipe y’Igihugu:
- Niyongira Patient
- Hakizimana Adolphe
- Ntwari Fiacre
- Mutsinzi Ange
- Niyigena Clement
- Kavita Phanuel Mabaya
- Nkulikiyimama Nganji Darryl
- Manzi Thierry
- Imanishimwe Emmanuel
- Mickels Jacques Leroy
- Niyomugabo Claude
- Uwumukiza Obed
- Kwizera Jojea
- Ruboneka Jean Bosco
- Byiringiro Jean Gilbert
- Mugisha Gilbert
- Mugisha Bonheur
- Bizimana Djihad
- Hamis Hakim
- Iradukunda Elie Tatou
- Nshuti Innocent
- Biramahire Abeddy
- Mickels Joy Lance
- Mickels Joy Slayd
Ni mu gihe abakinnyi basigaye bari hamagawe ari Muhire Kevin, Mugisha Yves, Mbonyumwami Taiba, Ganijuru Elie na Uwiyaremye Fidali.
Umukino wa mbere uzahuza u Rwanda na Mali, uzaba ku wa Gatanu tariki 13 Ugushyingo 2026 uzabera i Bamako muri Mali, mu gihe uwo kwishyura uzaba mu cyumweru gitaha tariki 17 Ugushyingo 2026 kuri Sitade Amahoro i Kigali.
U Rwanda rugiye gukina na Mali ruyoboye itsinda K, aho rufite amanota atandatu nyuma yo gutsinda Liberia ibitego 3-1, na Cap-Vert rwatsindiye iwabo ibitego 2-1.
Uyu mukino w’umunsi wa gatatu ufite igisobanuro, kuko u Rwanda na Mali bigiye guhura, binganya amanota dore ko Mali na yo yatsinze Cap-Vert ibitego 3-1 ndetse inatsinda Liberia igitego 1-0. U Rwanda rurusha Mali ibitego rwatsinze.
RADIOTV10