Ambasaderi w’u Rwanda mu Bwongereza, Johnston Busingye ari mu itsinda rya Guverinoma y’u Rwanda ryiteguye gukurikirana umukino uhuza ikipe ya Aston Villa FC iherutse kwinjira mu mikoranire n’u Rwanda n’ikipe ya Arsenal FC, yarangiye ntiyongerwe.
Imyiteguro y’iri tsinda yatangajwe na Ambasade y’u Rwanda mu Bwongereza kuri uyu wa Mbere tariki 31 Kanama 2026 habura amasaha abarirwa ku ntoki ngo aya makipe ahure mu mukino w’umunsi wa kabiri wa shampiyona y’u Bwongereza.
Ambasade y’u Rwanda yagize iti “Imyiteguro y’umukino. Itsinda rya Ambasade ryamaze kubona umwambaro wa Aston Villa wa Visit Rwanda mu kwitegura umukino wa mbere wayo wo mu rugo wa shampiyona uyihuza na Arsenal.”
Ambasade y’u Rwanda yifurije amahirwe meza ikipe ya Aston Villa FC intsinzi imbere ya Arsenal, yanagaragaje amafoto y’iri tsinda ryayo rigizwe n’abarimo Ambasade w’u Rwanda, Johnston Busingye.
Ikipe ya Aston Villa yinjiye mu mikoranire na Guverinoma y’u Rwanda yo kwamamza Gahunda ya Visit Rwanda, muri Nyakanga uyu mwaka, nyuma yuko ayo u Rwanda rwari rufitanye na Arsenal arangiye ndetse impande zikemeranya kutayongera.
Ikipe ya Arsenal igiye guhura na Aston Villa, yo yari yinjiye mu mikoranire n’u Rwanda mu mwaka wa 2018, aza kongerwa, ariko bigeze mu mpeshyi y’uyu mwaka, impande zombi zemeranya kutayongera.
RADIOTV10