Miss Uwase Muyango Claudine n’umugabo we Kimenyi Yves, baherutse gutsindira umunyenga muri kajugujugu wo kwishimira urukundo ku munsi w’abakundana, hagaragajwe amafoto yabo bari muri iyo ndege.
Ni amafoto yagaragajwe n’ubuyobozi bwa Akagera Aviation bwari bwashyizeho ibi bihembo, byahataniwe n’abarimo couple ya Miss Nishimwe Naomie na Michael Tesfay uherutse kumwambika impeta amusaba ko bazabana.
Ubuyobozi bwa Akagera Aviation busanzwe butanga serivisi z’iby’ingendo z’indege, bwaragagaje aya mafoto, ya Miss Muyango n’umugabo we Kimenyi, bari gutembera muri iyo kajugujugu, bari kumwe n’imfura yabo.
Ubutumwa buherekeje aya mafoto, Ubuyobozi bw’Akagera Aviation, bwagize buti “Urukundo rwari rwageze ku rwego ruhanitse kuri iyi Saint Valentin.”
Love ascended to new heights this Valentine's Day…❤️🚁 pic.twitter.com/WVPidZURk8
— Akagera Aviation (@AkageraAviation) February 21, 2024
Uyu munyenga watsindiwe n’umuryango wa Kimenyi na Muyango binyuze mu bihembo byari byatangajwe n’ubuyobozi bw’Akagera Aviation binyuze ku mbuga nkoranyambaga.
Abatsindiye uyu munyenga wa Kajugujugu, yaberecyeje kuri Virunga Logde mu Karere ka Musanze, ubundi bagafatirayo ifunguro, bakagarurwa n’iyi ndege.
RADIOTV10
