Succes Masra wafatwaga nk’ukomeye mu batavuga rumwe n’ubutegetsi muri Chad, nyuma yo kugirwa Minisitire w’Intebe, yashyizeho Guverinoma nshya yiganjemo abari basanzwemo.
Ni guverinoma y’inzobacyuho yahawe inshingano zo gutegura amatora y’Umukuru w’Igihugu, agiye kubaho nyuma y’amatora ya kamarampaka yabaye mu kwezi gushize k’Ukuboza 2023.
Guhabwa umwanya kwa Succes Masra ntibyakiriwe kimwe n’abamushyigikiye ndetse n’abakurikiranira hafi politiki ya Chad.
Abiganjemo abamushyigikiye bishimiye uyu mwanya yahawe, mu gihe hari n’abavuga ko ibyo bisa nko kugambanira abo mu ishyaka rye. Banenze uburyo yahisemo gukorana n’ubutegetsi batavuga rumwe, bakavuga ko ari ukumcecekesha.
Masra yari yahunze Chad mu Ukwakira 2022 nyuma aza gusinyana amasezerano n’ubutegetsi buriho bituma mu kwezi k’Ugushyingo umwaka ushize ahunguka.
Denyse MBABAZI MPAMBARA
RADIOTV10