Kapiteni wa Uganda na Muzamiru Mutyaba  bakoze imyitizo yabo ya mbere muri Kiyovu  

Abakinnyi babiri bakomoka muri Uganda basinyiye ikipe ya Kiyovu Sports, Emmanuel Arnold Okwi na Muzamiru Mutyaba batangiye imyitozo muri iyi kipe bitegura shampiyona izatangira mu mpera z’iki cyumweru. 

Izindi Nkuru

Ibitazwi ku cyiciro cy’amarushanwa APR na Rayon ziri gukomanga ku muryango n’inyungu byatanga (Isesengura)

25/09/2023

Abayobozi b’ikipe bamaze iminsi bavugwaho kurebana ay’ingwe bagaragaye mu mashusho atunguranye

25/09/2023

Mu ntangiriro z’uku kwezi nibwo Kiyovu Sports yasinyishije aba bakinnyi babiri bakomoka muri Uganda banakinira ikipe y’igihugu ya Uganda.

Emnanuel Okwi akaba na kapiteni w’ikipe y’igihugu ya Uganda ari kumwe na Muzamiru Mutyaba, bageze mu Rwanda ku munsi w’ejo hashize ku wa Gatatu.

Mu gitondo cyo kuri uyu wa Kane nibwo batangiye imyitozo bitegura umukino ufungura shampiyona Kiyovu Sports ifitanye na Gorilla FC ku wa Gatandatu tariki ya 30 Ukwakira 2021.

Aba bakinnyi bakiriwe neza n’umutoza Haringingo Francis wabonaga ko abishimiye, ngo baze bafatanye gutegura urugamba rwo gushaka igikombe cya shampiyona.

Amakuru avuga ko aba bakinnyi bombi basinyiye Kiyovu Sports amasezerano y’amezi 3 gusa, nyuma yayo nibwo bashobora kuzahitamo kuhaguma cyangwa kwigendera bitewa na gahunda y’andi makipe bafite.