Monday, July 14, 2025
RADIOTV10
  • My Home
  • MU RWANDA
  • AMAHANGA
  • SIPORO
  • IMYIDAGADURO
  • LIVE RADIO10
  • LIVE TV10
No Result
View All Result
RADIOTV10
No Result
View All Result
Home MU RWANDA

Moses Turahirwa imbere y’Urukiko yafashwe n’ikiniga akora ibyazamuye amarangamutima

radiotv10by radiotv10
12/06/2023
in MU RWANDA, UBUTABERA
0
Moses Turahirwa imbere y’Urukiko yafashwe n’ikiniga akora ibyazamuye amarangamutima
Share on FacebookShare on Twitter

Turahirwa Moses yaburanye ubujurire ku cyemezo cyo gufungwa by’agateganyo iminsi 30, agaragaza ko iminsi amaze afunze hari byinshi amaze kwiga, ari nabwo yahise afatwa n’ikiniga agaturika akaririra imbere y’Urukiko, asaba ko rwaca inkoni izamba rukamurekura.

Uyu musore washinze inzu y’imideri ya Moshions yambika abakomeye barimo n’abayobozi mu nzego Nkuru z’Igihugu, yitabye Urukiko Rwisumbuye rwa Nyarugenge kuri uyu wa Mbere tariki 12 Kamena 2023, ngo aburane ubujurire bwe ku cyemezo cyo gufungwa by’agateganyo yafatiwe.

Moses Turahirwa ashinjwa gukora cyangwa gukoresha inyandiko mpimbano, gishingiye ku rwandiko rw’inzira [Pasiporo] yashyize ku mbuga nkoranyambaga ze, agaragaza ko Leta y’u Rwanda yamwereye ko handikwamo ko ari igitsinagore.

Anashinjwa kandi icyaha cyo gukoresha ibiyobyabwenge, bishingiye ku rumogi rwafatiwe uwe ndetse n’ibimenyetso bya muganga byagaragaje ko mu maraso ye rurimo

Uyu musore waburanye bwa mbere yemera icyaha cyo kuba yarakoresheje urumogi ariko ko yarunywereye mu Butaliyani ubwo yari ariyo ku bw’impamvu z’amosomo, uyu munsi yabaye nk’ugihakana, avuga ko Urukiko rwashingiye ku kuba yaramamazaga ikorerwa ry’urumogi, nyamara atari byo.

Yanavuze kandi ko n’urumogi rwafatiwe mu ishati ye iwe mu rugo, atazi uburyo rwagezemo, ahubwo ko rushobora kuba rwarasigaye mu mufuka w’imwe mu zo yakuye mu Butaliyani, aje kuzinagurira mu Rwanda.

Ubushinjacyaha bwo bwavuze ko ari amatakirangohi kuba uregwa yitakana urumogi rwafatiwe mu myenda ye, mu cyumba araramo, bityo ko ntawundi akwiye kurutwerera.

Bwanavuze kandi ko adakwiye guhakana ko yamamaje ibyo kunywa urumogi, kuko mu minsi yashize, yanyujije ubutumwa ku mbuga nkoranyambaga, abivugaho, ndetse bunavuga ko ibyo kuba avuga ko urumogi yanyoye yarunywereye mu Butaliyani, yazabigaragariza ibimenyetso simusiga.

Bwavuze kandi ko uregwa yasuzumwe ibiyobyabwenge mu mubiri, bagasanga afitemo ibigera kuri 321 mu gihe umuntu usanzwe aba afitemo ibipimo bya 20.

Umushinjacyaha yagaragaje ko icyemezo cyafashwe n’Urukiko rw’Ibanze rwa Nyarugenge kinyuze mu mucyo ahubwo asaba Urukiko Rwisumbuye rwa Nyarugenge gutesha agaciro ubujurire bwa Turahirwa rukemeza ko rurekeyeho icyemezo cy’uko Turahirwa akomeza gukurikiranwa afunze by’agateganyo.

Moses Turahirwa wongeye gufata umwanya ari na bwo yahise agaragaza imbamutima z’ibyari bimaze gutangazwa n’Ubushinjacyaha, ahita aturika ararira, abwira Umucamaza ko mu minsi irenga 40 amaze afunze, yabonye isomo, amusaba guca inkoni izamba akarekurwa, kuko yiteguye kwitwara neza naramuka ageze hanze.

Moses Turahirwa ubwo yavugaga ku minsi amaze afunzwe, ndetse no kuba yarafatiwe icyemezo cyo gufungwa iminsi 30, yahise afatwa n’ikiniga, ararira, ariko ariyumanganya, mu ijwi rye rikumvikanamo ikiniga.

Ati “Guhera ku itariki 27 kugeza uyu munsi birumvikana ko hashize [ikiniga kiramuganza, aritsa, yihanagura ku maso] iminsi.”

Moses uko yakomezaga kuvuga kuri iyi ngingo, ni ko ikiniga cyakomeje kuremera, akomeza avuga ko iki cyaha cyo gukoresha ibiyobyabwenge kitamuhesheje ishema kandi ko atagikanguriye abandi.

Yahise avuga ko bijyanye n’ibihe yanyuzemo n’ibyo yanyuragamo muri ibyo bihe, ari byo byatumye atangira gukoresha ibiyobyabwenge, ariko ko ubundi yari yarabihagaritse, ndetse yari yaranatangiye kuvugana n’abahanga mu bibazo byo mu mutwe.

Uyu musore watawe muri yombi amaze iminsi atambutsa ubutumwa ku mbuga nkoranyambaga, bwazamuraga impaka ndende, yasabye Urukiko kumugirira ikigongwe agakurikiranwa ari hanze, kuko hari n’imishinga ye ikomeje kwangirika irimo amasomo akurikiranira mu Butaliyani.

RADIOTV10

Leave a Reply Cancel reply

Your email address will not be published. Required fields are marked *

3 × 3 =

Previous Post

Uko Ikiswahili cyakuruye impaka mu Gihugu cyo ku Mugabane wa America

Next Post

Icyo RDF yasangije abaturutse mu Budage bazamara icyumweru mu Rwanda

Related Posts

Havumbuwe urushinge umuntu aterwa kabiri mu mwaka akawumara adashobora kwandura SIDA

Havumbuwe urushinge umuntu aterwa kabiri mu mwaka akawumara adashobora kwandura SIDA

by radiotv10
14/07/2025
0

Minisitiri w’Ubuzima, Dr. Sabin Nsanzimana, yamenyesheje Abanyarwanda ko haherutse kuvumburwa urushinge umuntu ashobora guterwa rukamurinda kwandura Virusi Itera SIDA mu...

Eng.-A new vaccine-like injection discovered to prevent individuals from contraction HIV

Eng.-A new vaccine-like injection discovered to prevent individuals from contraction HIV

by radiotv10
14/07/2025
0

Rwanda’s Minister of Health, Dr. Sabin Nsanzimana, has announced the recent discovery of an injection that can protect an individual...

LIBERATION vs INDEPENDENCE (ctd): Is the West fully responsible?

LIBERATION vs INDEPENDENCE (ctd): Is the West fully responsible?

by radiotv10
14/07/2025
0

In our past article, we explained why and how Africa was maintained under domination by European countries. Should we keep...

Umugore ukurikiranyweho umugambi wo gushaka kwicisha umugabo we havuzwe icyabimuteye

Umugore ukurikiranyweho umugambi wo gushaka kwicisha umugabo we havuzwe icyabimuteye

by radiotv10
14/07/2025
0

Umugore wo mu Murenge wa Nyakiriba mu Karere ka Rubavu akurikiranyweho gucura umugambi wo gushaka kwicisha umugabo we, afatanyije n’undi...

Arasaba abagiraneza kugoboka umugore we wasanganywe uburwayi bukomeye nyuma y’igihe bwarayoberanye

Arasaba abagiraneza kugoboka umugore we wasanganywe uburwayi bukomeye nyuma y’igihe bwarayoberanye

by radiotv10
14/07/2025
0

Umuturage wo mu Murenge wa Tumba mu Karere ka Huye, arasaba abagiraneza gufasha umugore we kujya kwivuza indwara y’ibibyimba yasanganywe...

IZIHERUKA

Kuki utinyuka kubumbura amaguru ukennye?-Zari ntiyumva ukuntu umugore ukennye yatinyuka gusama
AMAHANGA

Kuki utinyuka kubumbura amaguru ukennye?-Zari ntiyumva ukuntu umugore ukennye yatinyuka gusama

by radiotv10
14/07/2025
0

America yavuze inkurikizi zizabaho nihatubahirizwa amasezerano y’u Rwanda na DRC

America yavuze inkurikizi zizabaho nihatubahirizwa amasezerano y’u Rwanda na DRC

14/07/2025
Havumbuwe urushinge umuntu aterwa kabiri mu mwaka akawumara adashobora kwandura SIDA

Havumbuwe urushinge umuntu aterwa kabiri mu mwaka akawumara adashobora kwandura SIDA

14/07/2025
Ifungurwa ry’Umupaka wa Bunagana riravugwaho kuzana kutavuga rumwe hagati ya Congo na Uganda

Ifungurwa ry’Umupaka wa Bunagana riravugwaho kuzana kutavuga rumwe hagati ya Congo na Uganda

14/07/2025
Eng.-US mentioned consequences if the agreement signed between Rwanda and DRC are not respected

Eng.-US mentioned consequences if the agreement signed between Rwanda and DRC are not respected

14/07/2025
Eng.-A new vaccine-like injection discovered to prevent individuals from contraction HIV

Eng.-A new vaccine-like injection discovered to prevent individuals from contraction HIV

14/07/2025
ADVERTISEMENT
Next Post
Icyo RDF yasangije abaturutse mu Budage bazamara icyumweru mu Rwanda

Icyo RDF yasangije abaturutse mu Budage bazamara icyumweru mu Rwanda

Contact Us

E-mail:
radiotv10rwanda@gmail.com
infos@radiotv10.rw

Radio10 Sales & Marketing:
Phone: +250784444444

Radio10 Studio:
Phone: +250788317918

Useful Links

  • My Home
  • MU RWANDA
  • AMAHANGA
  • SIPORO
  • IMYIDAGADURO
  • LIVE RADIO10
  • LIVE TV10

Latest News

Kuki utinyuka kubumbura amaguru ukennye?-Zari ntiyumva ukuntu umugore ukennye yatinyuka gusama

America yavuze inkurikizi zizabaho nihatubahirizwa amasezerano y’u Rwanda na DRC

Havumbuwe urushinge umuntu aterwa kabiri mu mwaka akawumara adashobora kwandura SIDA

Download App

Copyright © 2024 RadioTv10.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
View All Result
  • My Home
  • MU RWANDA
  • AMAHANGA
  • SIPORO
  • IMYIDAGADURO
  • LIVE RADIO10
  • LIVE TV10

Copyright © 2024 RadioTv10.