Saturday, November 21, 2026
RW|EN
SIPORO

Rayon na APR zanganyije mu mukino wari utegerezanyijwe amatsiko

Rayon na APR zanganyije mu mukino wari utegerezanyijwe amatsiko

Rayon Sports na APR FC zanganyije igitego 1-1 mu mukino w’umunsi wa cyenda wa Shampiyona y’u Rwanda, BK Pro League 2026/2027, wabereye kuri Stade Amahoro kuri uyu wa Gatandatu, tariki ya 21 Ugushyingo 2026.

Uyu mukino wari utegerejwe n’amatsiko menshi kubera guhangana gukomeye kuranga aya makipe yombi asanzwe ari mu makipe akomeye kandi afite abafana benshi mu Rwanda.

Rayon Sports ni yo yabonye igitego cya mbere muri uyu mukino, ibifashijwemo na Issa Djiguiba watsinze ku munota wa 12, bituma abafana bayo bari muri Stade Amahoro bagira ibyishimo.

APR FC ntiyacitse intege kuko yakomeje gushaka uko yishyura igitego yari yatsinzwe, iza kubigeraho ku munota wa 45, ubwo William Togui yatsindaga igitego cyatumye igice cya mbere kirangira amakipe yombi anganya 1-1.

Mu gice cya kabiri, amakipe yombi yakomeje guhatanira kubona igitego cy’intsinzi, ariko umukino urangira nta yindi kipe ibashije kureba mu izamu ry’indi.

Kunganya uyu mukino byatumye Rayon Sports na APR FC zisangira amanota, buri imwe ibona inota rimwe mu rugamba rwo guhatanira igikombe cya shampiyona ya 2026/2027.

Uyu mukino wongeye kugaragaza ubukana bwo guhangana hagati y’aya makipe akunze gukurura abafana benshi, aho buri imwe iba ishaka gutsinda mukeba wayo.

RADIOTV10

Sangira: Facebook Twitter WhatsApp

Leave a Reply

Your email address will not be published. Required fields are marked *

two + 14 =