Ikipe ya FC Barcelone irifuza Joao Cancelo, Myugariro wa Manchester City nubwo iyi kipe yo mu Bwongereza imwifuzamo miliyoni 50 z’ama Euros, mu gihe FC Barcelone yo ivuga ko aya mafaranga ari umurengera.
Nk’uko ikinyamakuru cyitwa Diario Sport kibitangaza, FC Barcelone irifuza Umunya Portugal Joao Cancelo wa Manchester City, uhagaze ku gaciro ka miliyoni 50 z’ama Euros, ariko ngo ikaba isanga aya mafaranga yaba ari menshi cyane.
Umutoza w’Umunya-Espagne utoza Manchester City, Pep Guardiola, ntashaka Joao Cancelo mu ikipe ye mu mwaka utaha w’imikino kandi n’uyu Cancelo na we arashaka kuva muri Man City.
FC Barcelone irifuza kuba yasinyisha Joao Cancelo ariko ikaba ibona igiciro cy’ikipe ya Manchester City gihanitse cyane, dore ko iyi Manchester City yifuza miliyoni 50 z’ama Euros kuri uyu mukinnyi w’Umunya-Portugal. Gusa ariko ngo n’ikipe ya Arsenal na yo iri kwifuza uyu Joao Cancelo.
Uhagarariye uyu mukinnyi, Agent Jorge Mendes, yegereye kandi amakipe yo muri Arabia Saudite ariko ngo yatewe utwatsi.
Cedrick KEZA
RADIOTV10
