Gyslain Bienvenue Tschiamas wari umutoza mukuru wa Gicumbi FC, yeguye nyuma y’uko iyi kipe inyagiwe na Kiyovu Sports ibitego 6-0.
Uyu mutoza weguye ku nshuro ya kabiri, yari yeguye ubwo Gicumbi FC yakinaga na Etincelles ikayitsinda 2-0 mu mukino w’umunsi wa 10 wa Shampiyona.
Gyslain Bienvenue Tschiamas wari wisubiyeho agakomeza gutoza Gicumbi FC, yongeye kwegura kuri iki Cyumweru ubwo iyi kipe yatozaga yari imaze gutsindwa na Kiyovu Sports 6-0.
Gicumbi FC yari yongeye kuzamuka mu cyiciro cya mbere muri uyu mwaka w’umukino, ubu ni yo iri ku mwanya wa nyuma w’urutonde rwa Shampiyona imaze gukinwa imikino 19, ikaba ifite amanota 14.
Kiyovu Sports yanyagiye Gicumbi FC ibitego 6-0, yahise igira amanota 41 inganya na APR FC gusa iyi kipe y’Ingabo z’u Rwanda ikaba iyirusha umubare w’ibitego izigamye.
Mu mikino y’umunsi wa 19 wa Shampiyona, Ikipe ya APR FC yahuye na mucyeba wayo Rayon Sports, mu mukino wagaragayemo ishyaka rikomeye, urangira amakipe anganya 0-0.
RADIOTV10
