Nyuma y’uko bimenyekanye ko umuhanzi Harmonize ahaye impano y’imodoka y’akataraboneka Umunyarwandakazi Yolo the Queen, aba bombi bakomeje kwerekana ko urukundo rukataje.
Bombi babinyujije ku rubuga nkoranyambaga rwa Instagram, Harmonize na Yolo the Queen, bagaragaje imodoka yo mu bwoko bwa Range Rover uyu muhanzi yahaye uyu mukobwa w’Umunyarwandakazi nk’impano.
Harmonize yagaragaje uyu mukobwa ko yamuhaye iyo modoka nshya, mu mashusho yanyujije ku rubuga rwa Instagram, arangije ashyiraho ubutumwa bugira buti “Mu gihe navuze ko ngukunda, amafaranga yanjye aba ari ayawe.”
Uyu muhanzi ufite izina rikomeye muri Afurika y’Iburasirazuba, yakomeje yizeza Yolo the Queen ko ibyiza amuteganyiriza bikiza kandi bikiri byinshi.
Yolo the Queen na we yahise aca ku rundi ruhande, na we ashyira kuri Instagram ye amashusho agaragaza iyi modoka yahawe na Harmonize, yamaze kwambika pulake yanditseho ‘Boss Yolo’.
RADIOTV10
