Uyu munsi ni kuwa gatatu w’itariki ya 08 Nzeli 2021, ni umunsi wa 251 mu minsi igize umwaka harabura iminsi 114 ngo umwaka urangire, Turi kuwa Gatatu wa 36 kuva 2021 yatangira Turi mu cyumweru cya 37 mu byumweru bigize umwaka wa 2021.Ni umunsi mpuzamahanga wo kuzirikana no guha agaciro kwiga.
Ni bande bavutse ku munsi nk’uyu?
1.Bruno Fernandes (1994)
Yujuje imyaka 28,umunya-Portugal ukina hagati mu kibuga muri Manchester united amaze gukinamo imikono 54 n’ibitego 29n’ikipe y’igihugu ya Portugal.
Miguel Borges Fernandes Yavukiye mu gace ka Porto, yakiniye amakipe nka Udinese na Sampdoria yo mu Butaliyani, muri 2017 asinyira Sporting Lisbon, muri Mutarama 2020 nibwo yageze muri Manchester united akinira kugeza ubu.
Mu ikipe y’igihugu ya Portugal, amaze kuyikinira imikino 35, yayitsindiye ibitego bitanu akaba yari kumwe nayo begukana igikombe cya UEFA Nations League cya 2019.
2.Gylfi Sigurðsson (1989):
Yujuje imyaka 32, umukinnyi wo hagati, ukinira Everton yagezemo 2017 avuye muri Swansea City ni umukinnyi kandi w’ikipe y’igihugu ya Iceland.
Uyu musore yanyuze mu makipe nka Reading yo mu cyiciro cya kabiri mu Bwongereza, yaje kumugurisha muri Hoffenheim muri 2010,akaba ariwe mukinnyi uhenze Reading yari igurishije mu mateka yayo, muri Hoffenheim yatowe imyaka ibiri ikurikiranye nk’umukinnyI mwiza w’umwaka,ayivamo ajya muri Swansea, Tottenham na Everton akinira kugeza ubu.
Mu ikipe y’igihugu ya Iceland amaze kubakinira imikino 78 yayitsindiye ibitego 25,akaba yarafashije iki gihugu gukina igikombe cy’isi bwa mbere mu mateka
3.João Moutinho (1986)
Yujuje imyaka 36 , umunya-Portugal ukina hagati mu kibuga muri Wolverhampton womders yo mu Bwongereza n’ikipe y’igihugu ya Portugal.
João Filipe Iria Santos Moutinho yavukiye Portimão,yanyuze mu makipe nka Sporting CP ayivamo ajya muri FC Porto muri 2010, yatwaranye nayo makipe abiri ibikombe 12 bikomeye, yaje kwerekeza muri Monaco nayo atwarana nayo igikombe cya shampiyona, ahava muri 2018 aza muri Wolverhampton womders.
Mu ikipe y’igihugu ya Portugal amaze kuyikinira imikino 122 yayitsindiye ibitego birindwi, yatwaranye nayo igikombe cy’Uburayi cya 2016 na UEFA Nations League ya 2019.
4.Bernard (1992)
Yujuje imyaka 29,umusore w’umunya-Brazil ukina aca ku mpande asatira muri Sharjah Football Club yo Arabe yagezemo muri uyu mwaka wa 2021 avuye Everton yo mu Bwongereza akinira n’ikipe y’igihugu ya Brazil.
Bernard Anício Caldeira Duarte Yavukiye mu mujyi wa Belo Horizonte muri Brazil, yanyuze mu makipe nka, Atlético Mineiro, yatwaranye nayo Copa Libertadores ya 2013, agurwa na Shaktar Donetsk kuri miliyoni 25 z’amayero, atwarana nayo shampiyona eshatu za Ukraine mbere yo kwerekeza muri Everton ku buntu.
Mu ikipe y’igihugu ya Brazil, amaze kuyikinira imikino 14 yayitsindiye igitego kimwe, akaba yari mu ikipe yatwaye igikombe mpuzamigabane cya 2013,
5.Julian Weil (1995)
Yujuje imyaka 25, umudage ukina hagati mu kibuga muri Benfica yagiyemo mu 2020 avuye Borussia Dortmund.
Uyu musore wazamukiye muri Munich 1860, amaze gukinira ikipe y’igihugu nkuru y’u Budage imikino itanu, nta gitego arayitsindira.
6.Carlos Bacca (1986):
Yujuje imyaka 34, Rutahizamu w’umunya-Colombia ukinira Granada yagiyemo uyu mwaka avuye mu ikipe ya Villarreal uyu kandi ni umukinnyi w’ikipe y’igihugu ya Colombia.
Carlos Arturo Bacca Ahumada Yavukiye Barranquilla, yanyuze mu makipe nka Atlético Junior aho yanabaye uwatsinze ibitego byinshi, ayivamo ajya muri Club Brugge nayo ayivamo abaye utwatsinze ibitego byinshi muri shampiyona y’u Bubiligi, yinjira muri Sevilla muri miliyoni zirindwi z’amayero, atwarana nayo Europa League ebyiri, mu ya 2015 ho yatsinze ibitego bibiri ku mukino wa nyuma, ahava ajya muri Milan AC, kuri miliyoni 30, atizwa muri Villarreal birangira imuuguze.
Mu ikipe y’igihugu ya Colombia amaze kubakinira imikino 52 yabatsindiye ibitego 16,yabashije kwegukana Umudali w’umwanya wa gatatu muri copa América Centenario ya 2016.
Ni bande bitabye Imana ku munsi nk’uyu?
1.Antonin Magne (1983)
Umufaransa wegukanye Tour de France ebyiri (1931, 34) he was President of the National Commission for Professional Cycling since 1970.
Ibihe by’ingenzi byaranze itariki nk’iyi mu mateka y’imikino itandukanye ku isi
1894 : umurwano wahuje James J. Corbett na Peter Courtney, niwo mukino wa mbere w’iteramakofe wafatiwe amashusho
Amashusho yafashwe na William K.L. Dickson atewe inkunga na Thomas Edison
1984 : Ku nshuro ya kabiri yikurikiranya, umunya-Republika ya Czech Martina Navratilova yegukanye US open atsinze Chris Evert amaseti 2-1 (4-6, 6-4, 6-4)
2008: Roger Federer yegukanye US open ye ya gatanu yikurikiranya atsinze umunya-Scotland Andy Murray amaseti 3-0 ( 6-2, 7-5, 6-2).
2018: Naomi Osaka yabaye Umuyapani wa mbere utwaye irushanwa rikomeye muri Tennis (grand Slam), aho yegukanye US open atsinze Selena Williams ku mukino wa nyuma amaseti 2-0(6-2, 6-4)
2019: Umwespanyol Rafael Nadal yegukanye irushanwa rya 19 rikomeye muri Tennis (grand Slam), nyuma yo kwegukana US open atsinze Umurusiya Daniil Medvedev amaseti 3-2 ( 7-5, 6-3, 5-7, 4-6, 6-4) iyi akaba ari us open ya kane yari yegukanye.
Byateguwe na Esther Fifi Uwizera/RadioTV10 ku bufatanya na DSTV
