Umukobwa wo mu majyaruguru ya Mozambique byari bizwi ko yapfuye mu kwezi kwa 11 umwaka ushize wa 2021 ndetse akanashyingurwa, bamubonye ari muzima mu gace k’iwabo, barumirwa, ababwira ko yari yaragiye mu kazi.
Uyu mukobwa witwa Eurélia Manuel Benjamim, we ubwo yabonwaga n’abaturage bo mu gace k’iwabo k’icyaro ka Lindi, yavuze ko yari yaragiye mu kazi ko gukora mu rwuri rwa Nyirarume.
Umwe mu bayobozi b’inzego z’ibanze mu Karere ka Montepuez, yabwiye BBC ko umuryango w’uyu mwana wari waramushyinguye.
Yagize ati “Bari barakoze imihango yose yo kumushyingura, yewe no ku munsi wa gatatu bagiye gusura igituro kandi basanga kigifunze.”
Itsinda ry’inzobere ryahise ryoherezwa i Lindi kugira ngo hakorwe iperereza ry’uyu mwana ndetse n’uwo baba barashyinguye.
RADIOTV10
