Ubuyobozi bw’Umujyi wa Ceuta muri Espagne bwatangaje ko abimukira bagera mu 60 000 bageze muri uyu mujyi mu gihe cy’amasaha 24 gusa, bavuye muri Maroc.
Ibi byatangajwe Juan Jesús Vivas, umuyobozi w’uyu mujyi, mu kiganiro yagiranye n’abanyamakuru, ndetse avuga ko abagera muri 34 basize ubuzima mu njyanja banyuzemo bambuka.
Ubwinshi bw’abimukira buje nyuma y’uko Urukiko rw’Ikirenga rwa Espagne rufashe icyemezo muri uku kwezi cy’uko abimukira baheze mu nyanja bagerageza kugera muri Ceuta cyangwa Melilla, indi ntara ya Espagne, badashobora gusubizwa muri Maroc mu buryo bwihuse.
Minisitiri w’Intebe Pedro Sánchez yavuze ko iki kibazo ari “igitero” kandi avuga ko Guverinoma iri gukora ibishoboka byose kugira ngo abimukira bose batemewe n’amategeko bagarurwe muri Maroc “mu gihe cya vuba gishoboka.”
Abayobozi benshi bo ku Mugabane w’u Burayi bagaragaje impungenge, bamwe basezeranya gukaza igenzura ry’imipaka, nyuma y’ibi bibaye kuri Espagne.
Minisitiri w’Intebe w’u Bwongereza Andy Burnham na Perezida w’u Bufaransa biyemeje gufasha Espagne guhangana n’iki kibazo.
Umujyi wa Ceuta winjiwemo n’aba Banyafurika, uri ku nkombe y’amajyaruguru ya Maroc, ku gice gihana imbibi na Espagne ku rugomero rw’uruzi rwa Gibraltar kandi ukaba umaze igihe ari ahantu heza hifashishwa n’abimukira bajya i Burayi.
Mu minsi micye ishize, abayobozi bo muri aka gace bari basabye ubufasha i Madrid nyuma y’izamuka ry’abagerageza kwambuka, ariko habayeho akaduruvayo ku wa Kane ubwo igenzura ry’imipaka ryasaga nk’aho ridakorwa neza.
Amashusho yasakaye kuri uyu wa Kane agaragaza abantu ibihumbi binjira mu mujyi, mu gihe ibitangazamakuru byo muri ako gace byatangaje ko kwambuka byakomeje kugeza no kuri uyu wa Gatanu.
Jesús Vivas yavuze ko ibintu “birenze urugero” kandi ko abaherutse kuhagera bagera kuri 70% by’abaturage b’umujyi, aho hari abaherutse bagera ku 83 600 nk’uko imibare iheruka yo muri ako gace ibivuga.
Ubu Espagne yohereje ingabo zayo kugira ngo zikaze umutekano muri Ceuta no mu mujyi mugenzi wayo wa Melilla.
RADIOTV10