Umugabo wo mu mujyi wa Moscow, Umurwa Mukuru w’u Burusiya, yatangaje benshi nyuma yo kujya guhaha mu iduka ricuruza ibikoresho by’imodoka yitwaje inzoka ku rutugu yo mu bwoko bwa Python, akaza gusetsa abari aho ubwo yabazwaga umubare w’inzoka atunze.
Amashusho y’uyu mugabo ari mu iduka afite iyo nzoka ye, yayigendana mu gihe agura ibyo akeneye, yagaragaje ibintu bidasanzwe byatangaje bamwe mu bari aho.
Uyu mugabo amaze kubazwa inzoka atunze, yasubije mu buryo bw’urwenya ko afite enye, harimo n’umugore we na nyirabukwe.
Uyu mugabo wari ujyanye n’inzoka ye yo mu bwoko bwa Python mu iduka ricuruza ibikoresho by’imodoka, yabajijwe umubare w’inzoka atunze. Mu gusubiza, yagize ati “Ni enye, harimo n’umugore wanjye na mabukwe.”
Iyi mvugo ye yateye urwenya, bituma abantu bari aho bitondera cyane igisubizo cye, kuko atavuze inzoka zororerwa mu rugo gusa, ahubwo yanashyizemo umugore we na nyirabukwe mu buryo bwo gusetsa.
Abatuye muri ako gace bavuze ko uyu mugabo asanzwe ajya guhaha aherekejwe n’inzoka ye, ku buryo kumubona mu maduka ayigendana bitakibatungura.
Ibyabereye i Moscow byazamuye impaka nyinshi, bitewe n’uburyo budasanzwe uyu mugabo yitwara, cyane cyane kuba ajyana inzoka ye mu iduka no kuba yarasubije mu buryo bw’urwenya ubwo yabazwaga umubare w’inzoka atunze.
RADIOTV10