AFC/M23 yaburijemo umugambi w’abatundaga intwaro n’ibindi bikoresho bya gisirikare

Abarwanyi b’Ihuriro AFC/M23 bafashe abagabo 40 bari batwaye imbunda n’ibindi bikoresho bya gisirikare babijyanye i Mahanga muri Teritwari ya Masisi.

Aba bagabo bafashwe n’abarwanyi ba AFC/M23, bafatiwe i Kashebere, muri Gurupoma ya Luberike muri Teritwari ya Walikale mu Ntara ya Kivu ya Ruguru.

Nk’uko amakuru aturuka muri ako gace abivuga, aba bagabo bari batwaye ibikoresho bya gisirikare i Mahanga muri Teritwari ya Masisi mu gitondo cyo kuri uyu Kabiri. Aya makuru yemejwe n’inzego z’umutekano n’ubuyobozi mu mujyi wa Walikale.

Aba bagabo bariho batunda intwaro, bafashwe n’abarwanyi ba AFC/M23 ubwo bari mu bikorwa byo gucunga umutekano mu nzira iva i Mahanga werecyezai Kasopo.

Nubwo hashyizweho umukono ku masezerano hagati ya Guverinoma ya DRC n’Ihuriro AFC/M23 i Doha muri Qatar, asaba impande zombi guhagarika intambara, ibintu biri kurushaho kuba bibi, kuko imirwano ikomeje gukomera, ndetse Ihuriro AFC/M23 rikaba rikomeje gufata ibindi bice, ribyambuye uruhande bahanganye, rudahwema kurasa mu baturage.

RADIOTV10