Saturday, November 21, 2026
RW|EN
MU RWANDA

Amb.Lt.Gen(Rtd) Karenzi Karake yaganirije abahagarariye inyungu za Gisirikare z’Ibihugu byabo mu Bushinwa

Amb.Lt.Gen(Rtd) Karenzi Karake yaganirije abahagarariye inyungu za Gisirikare z’Ibihugu byabo mu Bushinwa

Ambasaderi w’u Rwanda mu Bushinwa, Lt Gen (Rtd) Emmanuel Karenzi Karake, yaganirije abahagarariye inyungu za gisirikare z’ibihugu byabo bakorera mu Bushinwa, ku kamaro k’ubufatanye n’ububanyi mu bya gisirikare mu guteza imbere intego zihuriweho no kwimakaza amahoro n’umutekano ku Isi.

Ibi byabaye ku wa 19 Ugushyingo 2026, ubwo Ambasade y’u Rwanda mu Bushinwa yakiraga abagize Ihuriro ry’abahagarariye inyungu za gisirikare (Defence Attaché) bo muri Afurika no mu Burasirazuba bwo Hagati (African and Middle East Group of Military Attachés – AMEG), mu nama rusange y’iryo huriro.

Iyo nama yakiriwe na Colonel Janvier Mujaribu, usanzwe ahagarariye inyugu z’Igisirikare cy’u Rwanda (Defence Attaché) muri Ambasade y’u Rwanda mu Bushinwa, ikaba yari igamije guhuza abagize iryo huriro rikorera mu rwego rw’Urwego ruhuza abahagarariye inyungu za gisirikare mu Mujyi wa Beijing (Beijing Military Attachés Corps – BMAC).

Mu ijambo yagejeje ku bari bitabiriye iyo nama, Ambasaderi Lt Gen (Rtd) Karenzi Karake yagarutse ku kamaro ko gukomeza ubufatanye hagati y’Ibihugu mu rwego rwa gisirikare, agaragaza ko dipolomasi mu bya gisirikare ari ingenzi mu kugera ku ntego zihuriweho.

Yashimangiye kandi ko ubwo bufatanye bugira uruhare mu guteza imbere amahoro n’umutekano ku Isi, ndetse no kwagura imikoranire mu bijyanye n’ingabo

Ihuriro rya AMEG rihuza abahagarariye inyungu za gisirikare baturutse mu Bihugu bya Afurika no mu Burasirazuba bwo Hagati bakorera mu Bushinwa, rikaba rikora mu rwego rwa Beijing Military Attachés Corps.

RADIOTV10

Sangira: Facebook Twitter WhatsApp

Leave a Reply

Your email address will not be published. Required fields are marked *

7 + 20 =