Mu gitondo cyo kuri uyu wa Mbere tariki 21 Werurwe 2022, indege yo mu bwoko bwa Boeing 737 yari itwaye abagenzi 133 yakoreye impanuka mu gace ko mu Majyepfo ashyira Uburasirazuba mu Bushinwa, irasandara iranashya irakongoka.
Ibitangazamakuru binyuranye birimo Televiziyo y’Igihugu (CCTV), biratangaza ko iyi ndege ya kompanyi y’ingendo zo mu kirere ya China Eastern Airlines, yakoreye impanuka mu gace k’icyaro ka Guangxi gaherereye hafi y’umujyi wa Wuzhou city.
CCTV ivuga ko umusozi wabereyeho iyi mpanuka, babonye hacunshumuka icyotsi kinshi nyuma y’uko iyi ndege ihaguye igasandara.
Iki gitangazamakuru cya Leta gitangaza ko nubwo umubare w’abaguye muri iyi mpanuka utaramenyekana ariko aho yabereye hahise hoherezwa amatsinda ashinzwe ubutabazi bwihuse.
RADIOTV10
