Friday, June 13, 2025
RADIOTV10
  • MU RWANDA
  • AMAHANGA
  • SIPORO
  • IMYIDAGADURO
  • LIVE RADIO10
  • LIVE TV10
  • My Home
No Result
View All Result
RADIOTV10
No Result
View All Result
Home MU RWANDA

Expo y’Abanya-Egypt izanye udushya turimo akazasigira ‘couples’ ebyiri kuzajya kugirira ibihe byiza mu Misiri

radiotv10by radiotv10
29/06/2024
in MU RWANDA, UBUKUNGU
0
Expo y’Abanya-Egypt izanye udushya turimo akazasigira ‘couples’ ebyiri kuzajya kugirira ibihe byiza mu Misiri
Share on FacebookShare on Twitter

Imurikagurisha ry’Abanyamisiri rigiye kubera mu Rwanda ku nshuro ya 18, rizarangwa n’udushya, turimo kuzaha amahirwe abazaryitabira, bagira amahirwe yo kuzatombora amatike abiri azahabwa abakundana (couples) bakajya kugirira ikiruhuko mu Misiri.

Iri murikagurisha risanzwe riba mu gihe cy’impeshyi mu Rwanda, iry’uyu mwaka rizatangira tariki 05 kugeza ku ya 22 Nyakanga 2024, rikazabera muri Camp-Kigali, aho rizajya ritangira saa yine z’amanywa (10:00’) kugeza saa mibiri z’ijoro (20:00’).

Ni imurikagurisha rikunze kugaragaramo ibikoresho byo mu rugo, bikorerwa mu Misiri no mu bindi Bihugu by’Abarabu, birimo intebe, ameza, utubati, na tapi, ndetse n’ibikoresho byo mu gikoni, nk’amasafuriya, amasahani n’ibindi.

Iri murikagurisha nubwo ritegurwa n’Abanyamisiri, rizitabirwa n’ibindi Bihugu binyuranye, birimo Pakistan, Iran, Leta Zunze Ubumwe z’Abarabu, u Buhindi, Kenya, Ghana ndetse na Turkey igiye kuryitabira ku nshuro ya mbere.

Uretse kuba muri iri murikagurisha hazaba harimo igabanyirizwa ry’ibiciro rigeza kuri 50%, rizanagaragaramo udushya twinshi, turimo kuba hazabaho gutombora amatike abiri y’indege yo kwerecyeza mu Misiri, azahabwa abakundana, kugira ngo bazajye gutemberera muri iki Gihugu kizwiho kuba gifite ibyiza byinshi bikurura ba mukerarugendo, nka Pyramids zifuzwa gusurwa na benshi.

Ni amatike azatangwa na Sosiyete y’Indege ya Misiri ‘EgyptAir’ iri mu za mbere zikomeye ku Mugabane wa Afurika dore ko ari na yo yabimburiye izindi kuri uyu Mugabane, aho yavutse mu 1932, ikaba imaze imyaka 92.

Iyi sosiyete isanzwe ikora ingendo Kigali-Cairo inshuro eshatu mu cyumweru yanabaye umufatanyabikorwa muri iri murikagurisha, inatangaza ko n’abantu bose bazitabira iri murikagurisha, bazabasha kubona igabanyirizwa ku giciro cy’urugendo rwerecyeza mu Misiri, aho bazahasanga inyandiko zateganyijwe, ubundi bagakoresha ikoranabuhanga rya ‘QR Code’ bagakora scan bakinjira mu buryo buzatuma babona iri gabanyirizwa.

Umuyobozi ushinzwe Iterambere ry’Ubucuruzi muri Egyptair mu Rwanda, Fred Niyonzima yavuze ko biyemeje gufatanya n’abategura iri murikagurisha kugira ngo na bo bakomeze kwagura ubucuruzi bwabo.

Ati “Aya matike twayabahaye mu rwego rwo kugira ngo n’umuntu uvuye i Kigali ajye muri Egypt arebe ukuntu imeze, ubutaha azabwira bagenzi be, abo azabwira ni bo bazaza gushaka amatike iwacu kugira ngo nabo bajye gutemberayo, cyangwa bajye n’ahandi ariko bakoresheje indege yacu.”

Natacha Haguma uyobora Kompanyi ya Smart Egypt ifasha mu gutegura iri murikagurisha mu Rwanda, avuga ko abazifuza guhatanira aya mahirwe, bazajya binjira muri Expo bishyuye 1 000 Frw, mu gihe abasanzwe bazajya bishyura amafaranga asanzwe ari yo 500 Frw.

Avuga ko iyi tombora izakorwa ku matariki abiri, ari yo 12 na 19 Nyakanga, kandi ko izakorwa mu mucyo, kuko abazahatanira aya mahirwe, bazahabwa aho bandika imyirondoro yabo, ubundi impapuro bujujeho igashyirwa ahantu habonerana, ubundi hakabaho gutombora.

Ati “Twe nka Smart Egypt tuzabafasha nitwe tuzabakorera ibisabwa mu biruhuko, bakajya gutembera mu Misiri, ari twe tubafashije aho kuba, no gutembera.”

Abazagira amahirwe yo gutombora aya matike, bazamara iminsi itanu mu Misiri, batemberezwa mu bice byose nyaburanga, bafashijwemo na Smart Egypt, ndetse na bo bakaba babasha gusura ahandi bifuza.

Abari gutegura iri murikagurisha n’abafatanyabikorwa bavuga ko abazayitabira bahishiwe byinshi

 

Amahirwe ategereje abandi 200

Natacha Haguma avuga kandi ko iri murikagurisha rigiye kuba ku nshuro ya 18 mu Rwanda, ryagiye rigira uruhare runini mu gushyigikira iterambere ry’u Rwanda, kuko abamurika baryitabira, barusigamo amadevize.

Ati “Ntabwo baza ngo bagume aho bacumbitse gusa, bagira n’umwanya wo gutembera, muzi ko u Rwanda ari Igihugu gikundwa na ba mukerarugendo, ku buryo n’abaje kumurika, na bo bagira aho basura, kandi bakanahaha na bo ibyo basubirana mu Bihugu byabo.”

Avuga kandi ko abaza kumurika banaha akazi abana b’u Rwanda babafasha, ku buryo nko muri iri murikagurisha ryo kuri iyi nshuro, hateganyijwe ko rizaha akazi abarenga 200 mu gihe cy’ibyumweru bibiri rizamara.

Natacha anavuga ko hari inyungu nyinshi yo kuba u Rwanda ruri mu Bihugu byakira iri murikagurisha, kuko uretse uku guha akazi abana b’u Rwanda, rinatuma Abaturarwanda babona ibikoresho bifite ireme kandi biramba, ku biciro byiza.

Ati “Murabizi ko Egypt iri muri COMESA, ni ukuvuga ngo ibiciro biragabanuka, ibyo biciro iyo bigabanutse, kuza kubigura muri expo biba bitandukanye cyane no mu iduka, kuko muri expo tubizanira rimwe, twabyishyuriye urugendo hamwe, mwabonye ko igabanyirizwa riri kugeza kuri 50%.”

Natacha Haguma kandi ashimira Leta y’u Rwanda ku bufasha isanzwe iha abategura iri murikagurisha, by’umwihariko kubaha aho ribera, nubwo hakunze guhindagurika, ariko ko bashimira uyu musanzu bahabwa n’ubuyobozi bw’Igihugu.

RADIOTV10

Leave a Reply Cancel reply

Your email address will not be published. Required fields are marked *

14 − eleven =

Previous Post

MTN Rwanda Hosts their 2024 Annual General Meeting and Announces Strategic Resolutions and Dividend Payouts

Next Post

Menya inama igirwa Leta mu guca intege igipimo cyo kunywa inzoga mu Rwanda gikomeje kuzamuka

Related Posts

Perezida wa Njyanama y’Akarere ka Muhanga yavuze ku guhagarika izi nshingano n’icyabimuteye

Uruganda rwakoragamo umukozi wapfiriye mu kazi rwagize icyo rwizeza ubuyobozi

by radiotv10
13/06/2025
0

Ubuyobozi bw’uruganda ‘Basile Industries ltd’ ruherereye mu Karere ka Muhanga, rwakoragamo umukozi wishwe n’imashini yakoreshaga, rwizeje ubuyobozi bw’inzego z’ibanze ko...

Kazungu wifuza gusubira muri Sosiyete nyarwanda yahishuye icyamushoye mu bwicanyi

Kazungu wifuza gusubira muri Sosiyete nyarwanda yahishuye icyamushoye mu bwicanyi

by radiotv10
13/06/2025
0

Mu rubanza rw’ubujurire, Kazungu Denis wiyemereye kwica abantu barenga 10 babonetse bashyinguye iwe, yatakambiye Urukiko ngo rumugabanyirize igihano cya burundu...

Umusore wari wanditse kuri WhatsApp ko hari icyo yishinja yabonetse yapfuye

Umusore wari wanditse kuri WhatsApp ko hari icyo yishinja yabonetse yapfuye

by radiotv10
12/06/2025
0

Umusore w’imyaka 21 y’amavuko wo mu Murenge wa Mururu mu Karere ka Rusizi, wari wanyujije ubutumwa kuri WhatsApp ko yishinja...

Ingorane z’umwana wavukanye ibitsina bibiri n’imikorere yabyo iteye urujijo

Ingorane z’umwana wavukanye ibitsina bibiri n’imikorere yabyo iteye urujijo

by radiotv10
12/06/2025
0

Umwana w’imyaka icyenda (9) wo mu Murenge wa Nyakabuye mu Karere ka Rusizi, wavutse afite ibitsina bibiri, byamusibiye amayira ku...

Iby’ingenzi byamenyekanye ko biri mu mushinga w’amasezerano ategerejwe hagati y’u Rwanda na DRCongo

Iby’ingenzi byamenyekanye ko biri mu mushinga w’amasezerano ategerejwe hagati y’u Rwanda na DRCongo

by radiotv10
12/06/2025
0

Intumwa za Guverinoma y’u Rwanda n’iya Repubulika Iharanira Demokarasi ya Congo, zitegerejwe i Washington muri Leta Zunze Ubumwe za America...

IZIHERUKA

Perezida wa Njyanama y’Akarere ka Muhanga yavuze ku guhagarika izi nshingano n’icyabimuteye
MU RWANDA

Uruganda rwakoragamo umukozi wapfiriye mu kazi rwagize icyo rwizeza ubuyobozi

by radiotv10
13/06/2025
0

Kazungu wifuza gusubira muri Sosiyete nyarwanda yahishuye icyamushoye mu bwicanyi

Kazungu wifuza gusubira muri Sosiyete nyarwanda yahishuye icyamushoye mu bwicanyi

13/06/2025
BREAKING: Indege yarimo abagenzi 240 yakoze impanuka irasandara

BREAKING: Indege yarimo abagenzi 240 yakoze impanuka irasandara

12/06/2025
Amakuru agezweho ku gucyura Abasirikare ba Afurika y’Epfo bakozanyijeho na M23 bikarangira bamanitse amaboko

Amakuru agezweho ku gucyura Abasirikare ba Afurika y’Epfo bakozanyijeho na M23 bikarangira bamanitse amaboko

12/06/2025
Umusore wari wanditse kuri WhatsApp ko hari icyo yishinja yabonetse yapfuye

Umusore wari wanditse kuri WhatsApp ko hari icyo yishinja yabonetse yapfuye

12/06/2025
Umunyamakurukazi uzwi mu Rwanda yibwe imodoka

Umunyamakurukazi uzwi mu Rwanda yibwe imodoka

12/06/2025
ADVERTISEMENT
Next Post
Menya inama igirwa Leta mu guca intege igipimo cyo kunywa inzoga mu Rwanda gikomeje kuzamuka

Menya inama igirwa Leta mu guca intege igipimo cyo kunywa inzoga mu Rwanda gikomeje kuzamuka

Contact Us

E-mail:
radiotv10rwanda@gmail.com
infos@radiotv10.rw

Radio10 Sales & Marketing:
Phone: +250784444444

Radio10 Studio:
Phone: +250788317918

Useful Links

  • MU RWANDA
  • AMAHANGA
  • SIPORO
  • IMYIDAGADURO
  • LIVE RADIO10
  • LIVE TV10
  • My Home

Latest News

Uruganda rwakoragamo umukozi wapfiriye mu kazi rwagize icyo rwizeza ubuyobozi

Kazungu wifuza gusubira muri Sosiyete nyarwanda yahishuye icyamushoye mu bwicanyi

BREAKING: Indege yarimo abagenzi 240 yakoze impanuka irasandara

Download App

Copyright © 2024 RadioTv10.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
View All Result
  • MU RWANDA
  • AMAHANGA
  • SIPORO
  • IMYIDAGADURO
  • LIVE RADIO10
  • LIVE TV10
  • My Home

Copyright © 2024 RadioTv10.