Israel yateye utwatsi ubusabe bwa Leta Zunze Ubumwe za America bwo kuba yazareka Palestine ikaba Igihugu cyigenga byuzuye ubwo intambara iri kubera muri Gaza izaba irangiye.
Ni ubusabe bwatewe utwatsi na Minisitiri w’Intebe wa Israel, Benjamin Netanyahu, ubwo yagiranaga ikiganiro n’itangazamakuru cyagaruka ku ishusho y’intambara imaze iminsi iri kubera muri Gaza.
Benjamin Netanyahu yavuze ko Israel izakomeza kugenzura agace kari mu burengerazuba bw’uruzi rwa Jordanie n’ibiri ku ruhande rwa Palestine.
Ubusanzwe Igihugu cya Israel kigenzura bimwe mu bice byo muri Palestine birimo iyi Ntara ya Gaza ndetse na West Bank.
Yavuze ko Israel izakomeza intambara muri Gaza kugeza ubwo izaba yasenye umutwe wa Hamas, ibohoze n’imbohe z’Abiyisiraheli yafashe, gusa ngo bizatwara amezi menshi.
Umuvugizi w’Akanama ka USA gashinzwe umutekano, John Kirby, yatangaje ko kuba Netanyahu atemera ubusabe bw’Igihugu cyabo ari ibisanzwe kuko abantu batumva ibintu kimwe.
Denyse MBABAZI MPAMBARA
RADIOTV10
