Raila Odinga utavuga rumwe n’ubutegetsi bwa Prezida William Ruto, yatangaje ko guhera ku itariki 2 z’ukwezi gutaha kwa Gicurasi 2023, azasubukura imyigaragambyo imaze ibyumweru bibiri isubitswe, aho noneho yatangaje n’iminsi izajya ibaho buri cyumweru.
Ibi byatangajwe na Dennis Onyango, Umuvugizi wa Raila Odinga, mu kiganiro yagiranye n’ibiro ntaramakuru bya Abafaransa AFP, ariko yirinda gutangaza impamvu iyi myigaragambyo igiye gusubukurwa.
Guhera ku itariki 20 z’ukwezi kwa Gatatu kw’uyu mwaka, Raila Odinga yateguye imyigaragambyo ya buri wa Mbere w’icyumweru, na buri wa Kane.
Ashinja Prezida Ruto uburiganya mu matora y’Umukuru w’Igihugu yabaye mu kwezi kwa Munani k’umwaka ushize, no kunanirwa gusubiza mu buryo ibibazo byatewe n’izamuka ry’ibiciro ku isoko muri Kenya.
Assoumani TWAHIRWA
RADIOTV10
